“Bu gün yazıçı Əkrəm Əylisli ilə Hava Nəqliyyatında Baş Polis İdarəsinin İstintaq şöbəsində olduq”. Bu barədə Turan-a Ə.Əylislinin vəkili Elçin Sadıxov bildirib.
Onun sözlərinə görə, bu gün Ə.Əylisli idarəyə şübhəli şəxs kimi çağırılıb. Daha sonra isə təqsirkar şəxs kimi istintaqa cəlb edilib. “Ə.Əylisliyə Cinayət Məcəlləsinin 221.1-ci maddəsilə (xuliqanlıq) cinayət işi qaldırılıb. Ondan heç yerə getməməsi haqda iltizam alınıb”.
E.Saqıxovun sözlərinə görə, Ə.Əylisli bu ittihamı əsassız sayıb. “Sənədlə tanış olduqdan sonra Ə.Əylisli heç kəsə qarşı xuliqanlıq etmədiyini, bu cinayət işinin sırf yazıçılıq peşəsi ilə bağlı qaldırıldığını söyləyib və ittithamı qəbul etməyib”.
Vəkil özü də ittihamı qondarma adlandırır. “78 yaşında şəxs hansı fiziki güclə özündən nə qədər cavan şəxsə zor göstərə bilər?”, deyə E.Sadıxov bildirib.
Xatırladaq ki, martın 31-də Venesiyada kitab festivalına gedən xalq yazıçısı Ə.Əylisli səhər saatlarında Bakı aeroportunda saxlanılıb. Ona ölkədən çıxışına qadağa qoyulduğu deyilib. Daha sonra Hava Nəqliyyatında Baş Polis İdarəsinə gətirilib.
Axşam saat 21-ə kimi orada saxlanılıb. Sərhəd xidməti əməkdaşına zorakılıq etməsi adı ilə sənəd tərtib edilib. -0-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz