Bakı/25.05.21/Turan: Araşdırmaçı jurnalist Xədicə İsmayılın barəsində şərti məhkumluğun sınaq müddəti mayın 25-də başa çatıb. Bu barədə Turan-a jurnalistin özü bildirib.
“Bu gün sınaq müddəti bitdi. Sonuncu dəfə imza çəkdim. Sənədləri düzəldəcəklər. Dedilər ki, sabah və ya birisi gün qovluğu qapadacaqlar. Bu barədə mənə sənəd verəcəklər. Beş il ərzində hər ay profilaktik söhbətlərdən və səfər qadağasından qurtulma günüdür” ,- o bildirib.
2014-cü il dekabrın 5-də həbs olunmuş Xədicə İsmayıl vergidən yayınma və qanunsuz sahibkarlıq kimi ittihamlarla 7 il yarım azadlıqdan məhrum edilib.
2016-cı il mayın 25-də Ali Məhkəmə qəbul etdiyi qərarla jurnalistin azadlıqdan məhrumetmə cəzasını 3 il yarım şərti cəza ilə əvəz edərək onu azadlığa buraxıb. Sonradan bu müddət 2 il 3 aya endirilib.
Jurnalist barəsində olan sınaq müddətinin və şərti məhkumluğunun ləğvilə bağlı bundan öncə məhkəməyə müraciət edib. Birinci instansiya və Apellyasiya Məhkəməsi onun bu müraciətini təmin etməyib.
Xədicə İsmayıl bütün ittihamları rədd edir, prezident ailəsinin biznesi barədə araşdırmalarına görə cəzalandırıldığını bildirir.-16d-
Cəmiyyət
-
Vəkil Aqil Layıc Bakı Apellyasiya Məhkəməsinin sədri Mübariz Əkbərovu idarəçilikdə özbaşınalıqda ittiham edərək, Prezident İlham Əliyevdən müdaxilə etməyi xahiş edib. Layıc öz narahatlığını Facebook paylaşımında ifadə edərək bildirib ki, Əkbərovun rəhbərliyi altında hüquqi müdafiə “formal səviyyəyə” endirilib.
-
İnnovasiya və sürət lideri “Bakcell” inklüzivliyə dəstək strategiyası çərçivəsində "Birgə və Sağlam" İctimai Birliyi tərəfindən yaradılan “Kaşalata” kafedə “İnnovasiyalarla Müxtəlifliyə Doğru” adlı tədbir təşkil edib. Tədbirin məqsədi "Bakcell" ilə “Birgə və Sağlam” İctimai Birliyi arasındakı tərəfdaşlığın qeyd olunması və kafedə çalışan gənclərlə görüş olub.
-
Azərbaycan Nazirlər Kabineti 1999-cu ildə təsdiq edilmiş və yol hərəkəti qaydalarının pozulmasına görə cərimələrdən əldə edilən vəsaitlərin bölüşdürülməsinə dair qaydalara düzəlişləri təsdiq edib. 2025-ci il yanvarın 23-də imzalanan və №14 saylı qərar formasında rəsmiləşdirilən bu dəyişikliklər, Bakı şəhərinin inzibati ərazisində yol hərəkətinin idarə edilməsinin təkmilləşdirilməsi ilə bağlı prezident fərmanlarına uyğunlaşdırma məqsədi daşıyır.
-
Yanvarın 25-də paytaxtda hava dəyişkən olacaq. Gecə və səhər yerlərdə zəif yağıntı olacaq. Şimal-qərb küləyi əsəcək. Havanın temperaturu gecə müsbət 4 +6, gündüz müabət 7 + 10 dərəcə, rütubət 70-80 faiz olacaq.
Rəy yaz