Xədicə İsmayılova hakimi qanunları ələ salmaqda ittiham edib

Xədicə İsmayılovanın işi üzrə bugünkü məhkəmə prosesində jurnalist hakim Ramella Allahverdiyevaya etiraz edib və bunu hakimin qərəzliyi, prosedur  normaların pozulması ilə izah edib. Əsasən jurnalist bildirib ki, cinayət materillarına dair sənədlərin surəti ona verilmir. 

Sonra X.İsmayılova deyib ki, hakim prokurorun suallarını cavablandırmaqdan imtina etdikdə hakim onu 15 il həbs cəzası ilə hədələyib.

Bundan əlavə, hakim onun vəsatətlərini təmin etməyib, şahidləri çağırmayıb. Həqiqəti bilmək həmin şahidlərin ifadələri vacib idi.

X.İsmayılova bildirib ki, vəkili ilə məxfi görüşmək hüququndan məhrum edilib, hakim isə onun bu hüququnu təmin etmir. Bütün bunları nəzərə alaraq X.İsmayılova işin başqa hakimə verilməsini təklif edib.

“Mən qanunların bu cür ələ salınmasını görmək istəmirəm”, - o qeyd edib. 

Lakin hakimə etiraz təmin edilməyib.

X.İsmayılova məhkəmə iclaslarının protokollarının ona verilməsi və “Azadlıq” radiosunun vəkili Aslan İsmayılovun məhkəməyə çağırılması barədə vəsatət qaldırıb. Bu vəsatətlər də təmin edilməyib. Məhkəmə avqustun 18-də davam edəcək.–16D--