![Xədicə İsmayılova: «Jurnalist araşdırmalarını davam etdirəcəm»](https://turan.az/resized/media/2016/main/052600157360-750-500-resize.webp)
Xədicə İsmayılova: «Jurnalist araşdırmalarını davam etdirəcəm»
Ötən gün azadlığa buraxılan jurnalist Xədicə İsmayılova bildirib ki, öz araşdırmalarını davam etdirəcək. Eyni zamanda digər siyasi məhbusların taleyinə biganə qalmayacaq və onların azadlığı üçün əlindən gələni edəcək.
Azadlığa buraxıldıqdan dərhalsonra öz evinin qarşıısnda həmkarları ilə söhbətində o bildiib: “Həbsxana maraqlı təcrübə idi, dəhşətli bir şey deyil. Həbsxanadan qorxub mübarizədən, haqlı bildiyin şeylərdən çəkinmək lazım deyil.
Həbsxana da təcrübə kimidir. Adamı zənginləşdirir. Bundan sonra dayandığım yerdən başlayacam və işimi davam etdirəcəm. İndi daha da qabiliyyətliyəm. Orada ispan dilini öyrənməyə başladım. Bu o deməkdir ki, ofşordakı sənədləri orjinaldan oxuya biləcəm. (X.İsmayılova Azərbaycan hakim elitasının biznesi də daxil olmaqla, Panama offşor şirkətlərinin arxivlərini öyrənən Beynəlxalq Jurnalist Araşdırmaları Konsorsiumuna (ICIJ) daxildir).
Jurnalistin fikrincə, onun həbsindən sonra tənqidlərin azalacağı ilə bağlı hakimiyyətin gözləntiləri özünü doğrultmadı.
“Hakimiyyət güman edirdi ki, məni həbs etməklə hamının ağzını yumacaq. Lakin sağ olsun həmkarlarım, onlar işi saxlamadılar, əksinə sürətləndirdilər. Mənim həbsimdən sonra daha çox araşdırmalar aparıldı, offşorlarda gizlənən daha çox şirkət aşkar edildi”, - o bildirib.
X.İsmayılova beynəlxalq ictimaiyyəti insan hüquqlarını daha fəal müdafiəyə çağırıb.
““İnsan haqları uğrunda mübarizə açıq və şəffaf olmalıdır. Bu barədə bağlı qapılar arxasında danışılmamalıdır. Dövlət başçılarının bu barədə açıq danışmaqdan çəkinmələri məyusedici haldır”, - o vurğulayıb.
Bununla yanaşı X.İsmayılova Azərbaycanda siyasi məhbusların azadlığa buraxılması üçün ardıcıl mübarizə aparan beynəlxalq hüquq-müdafiə təşkilatlarına öz təşəkkürünü bildirib.
“Mən istərdim ki, bizim üçün davam edən mübarizə bundan sonra da davam eləsin. O qədər də məşhur olmayan məhbuslar var. İşgəncə görürlər, siyasi məhbuslar var ki, onların adları o qədər də mətbuatda səslənmir və beynəlxalq səviyyədə işlənmir. İstərdim ki, o adamların beynəlxalq gündəmə gətirilmələri üçün hamımız bir yerdə çalışaq”, - X.İsmayılova bildirib.
O, şərti azadlığa buraxılması barədə qərarı şərh edərkən Ali Məhkəmənin qərarı ilə razı olmadığını deyib. "Mən ədalətin tam bərpa olunması üçün çalışacam. Avropa Məhkəməsinə də müraciət edəcəyəm", - o qeyd edib.
*Xədicə İsmayılova 2014-cü ilin dekabrında həbs olunub və iqtisadi cinayətlərdə ittiham edilərək 7,5 il müddətinə azadlıqdan məhrum olunub. Lakin jurnalistin özünün, yerli və beynəlxalq demokratik ictimaiyyətin fikrincə, o, Azərbaycanda hakim ailənin biznesini araşdırdığına görə təqib edilir.
2016-cı il mayın 25-də Ali Məhkəmə həbs cəzasını şərti cəza ilə əvəzləyib.—06D-
-
- Siyasət
- 26 May 2016 12:34
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz