![Amerikalı senatorlar Xədicə İsmayılovanın azadlığa buraxılmasını alqışlayırlar](https://turan.az/resized/media/2016/main/052600157349-750-500-resize.webp)
Amerikalı senatorlar Xədicə İsmayılovanın azadlığa buraxılmasını alqışlayırlar
ABŞ Helsinki Komissiyasının sədri Kris Smit və komissiyanın üzvü Rocer Viker jurnalist Xədicə İsmayılovanın azadlığa buraxılmasını alqışlayıb.
“Azərbaycan hökumətini jurnalistə qarşı bütün ittihamları götürməyə və “Azadlıq” radiosunun Bakı bürosunun işini bərpa etməyə çağırırıq. Xədicənin işi Azərbaycanda müstəqil səslərin cəzalandırılması məqsədilə məhkəmə sistemindən istifadə olunduğu ilk hal deyil.
İlqar Məmmədov kimi insan haqları, hüququn aliliyi və demokratiyanın təminatını tələb edən digər şəxslər də həbsdədir. Onların cəsarətini alqışlayır və Azərbaycan hökumətini bir daha ATƏT öhdəliklərinə əməl etməyə, siyasi müxalifətə, jurnalistlərə və dini azlıqlara qarşı repressiyaya son qoymağa çağırırıq”, - bəyanatda deyilir.
ABŞ Yayım Idarəetmə Şurasının (BBG) sədri Con Lansinq jurnalist Xədicə İsmayılovanın azadlığa buraxılmasını alqışlayıb. Lansinq Azərbaycan hökumətini jurnalistin üzərindən bütün ittihamları götürməyə, “Azadlıq” radiosunun işini bərpa etməyə və radionun əməkdaşlarına qarşı cinayət işini dayandırmağa çağırıb.
Daha bir tanınmış konqresmen Dana Rorebaher X.İsmayılovanın azadlığa buraxılmasını alqışlayıb və onu doğum günü münasibətilə təbrik edib.
Həmçinin CNN kanalının aparıcısı Kristian Amanpur da təbriklərə qoşulub.-16D-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz