Araşdırmaçı jurnalist Xədicə İsmayılova Bakı Şəhər Prokurorluğuna qarşı iddia qaldırıb. O, əsassız olaraq intihar həddinə çatdırma ittihamı ilə üç ay həbsxanada saxlandığına görə kompensasiya ödənilməsini tələb edib.
İşə üçüncü şəxs qismində Maliyyə Nazirliyi cəlb olunub.
İddia üzrə hazırlıq iclası avqustun 17-də Səbayel Rayon Məhkəməsində hakim Azər Tağıyevin sədrliyilə olacaq.
X.İsmayılova 2014-cü il dekabrın 5-də CM-in 125-ci maddəsilə həbs edilib. 2016-cı il martın 6-dək həmin maddə üzrə həbsdə saxlanılıb.
Lakin 2015-ci il sentyabrın 1-də Bakı Ağır Cinayətlər Məhkəməsi X.İsmayılovaya 125-ci maddə üzrə bəraət verərək iqtisadi cinayətlərə görə 8,5 il müddətinə azadlıqdan məhrum edib.
Bununla da məhkəmə təsdiqləyib ki, X.İsmayılova 2014-cü il dekabrın 5–dən 2016-cı il martın 6-dək – yəni, 91 gün qanunsuz olaraq həbsdə saxlanılıb.
X.İsmayılova hüquqi yardım alınması, işləmək imkanı olmadığından itirilmiş mənfəət və həbs zamanı ona yol verilən digər xərclər, həmçinin mənəvi zərərə görə kompensasiya tələb edir.
X.İsmayılova maddi zərəri 9 min 30 manat həcmində dəyərləndirib. Mənəvi zərərə görə isə 20 min manat tələb edir.
Mayın 25-də Azərbaycan Ali Məhkəməsi jurnalistin üzərindən mənimsəmə və vəzifə səlahiyyətindən sui-istifadə ittihamlarını götürərək real həbs müddətini şərti olaraq 3,5 il müddətilə əvəzləyib.—06D--
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz