Xədicə İsmayılovanın cəza müddəti daha bir il azaldılıb
Bu gün Bakı Ağır Cinayətlər Məhkəməsi jurnalist Xədicə İsmayılovanın cəza müddətini 3,5 ildən 2 il 3 ayadək azaldıb.
Beləliklə, məhkəmə 192-ci maddə (qanunsuz sahibkarlıq) üzrə ittihamın onun üzərindən götürülməsi bağlı X.İsmayılovanın müraciətini qismən təmin eib.
Belə ki, iyunun 1-də Cinayət Məcəlləsinə düzəlişlər qüvvəyə minib. Dəyişikliklər 192-ci maddəyə də aid edilib. Qanunun yeni redaksiyasına görə, XİN-in akkreditəsi olmadan jurnalistin xarici media ilə əməkdaşlığını “qanunsuz sahibkarlıq” kimi interpretasiya etmək olmaz.
Lakin vəkil Fariz Namazlı Turan-a bildirib ki, məhkəmə yalnız ittihamı 192.2.1-ci maddədən (külli miqdarda gəlir əldə etməklə qanunsuz sahibkarlıq) 192.1 (qanunsuz sahibkarlıq) maddəsinə tövsif edib.
Məhkəmə cinayət qanunvericilyinin yeni redaksiyasına istinad edib ki, burada külli miqdarda gəlirin həcmi 50 min manatdan 100 min manatadək artırılıb.
İttiham tərəfi hesab edir ki, X.İsmayılovanın beş il ərzində 79,5 min manat həcmində qonorarı qanunsuz fəaliyyət nəticəsində əldə etdiyi gəlirdir. Belə ki, o, Azərbaycan XİN-də akkreditədən keçməyib.
Sonda məhkəmə X.İsmayılovanın barəsində 192.1 maddəsi üzrə 4 ay azadlıqdan məhrumetmə və 213.1 maddəsi (vergi ödəməkdən yayınma) ilə birlikdə 5 il sınaq müddətinə 2 il 3 ay ümumi şərti cəza müddəti təyin edib.
Vəkil qeyd edib ki, müdafiə tərəfi məhkəmənin qərarından razı deyil və ondan şikayət verəcək. Müdafiə tərəfi 192-ci maddənin tam götürülməsinə təkid edir.
X.İsmayılova məhkəmənin qərarından razı olmadığını bildirib: “Külli miqdarda gəlirin əldə edilməsi barədə ittihamın götürülməsi mənim üçün prinsipial əhəmiyyət daşımırdı. Biz XİN-də akkreditə olmadan fəaliyyətin dekriminallaşdırılmasına çalışırdıq. Ancaq, görünür, XİN-də akkreditəsi olmadan çalışan jurnalistlərə qarşı cinayət təqibinin mümkün olmadığı halda presedent yaratmaq istəyinin (hakimiyyət) olmaması səbəbindən bu, baş vermədi.
Belə olan halda mənim üzərimdə ancaq 213.1-ci maddə üzrə ittiham qalırdı ki, bununla da amnistiyaya düşürdüm”, - o, Turan-ın müxbirilə söhbətində bildirib. Jurnalist öz hüquqlarının tam bərpası üçün fəaliyyətini davam etdirmək niyyətindədir.
*Xədicə İsmayılova 2014-cü il dekabrın 5-də həbs edilib.
2015-ci il sentyabrın 1-də 179.3.2 (külli miqdarda mənimsəmə), 192.2.1 (külli miqdarda gəlir əldə etməklə qanunsuz sahibkarlıq), 213.1 (vergi ödəməkdən yayınma) və 308.2 (vəzifə səlahiyyətindən sui-istfadə) maddələri ilə 7,5 il müddətinə azadlıqdan məhrum edilib.
Mayın 25-də Ali Məhkəmə 179.3.2 və 308.2 maddələri üzrə ittihamları götürüb və cəza müddətini 5 il sınaq müddəti olmaqla 3,5 ilədək azaldıb. 06D-
-
- İqtisadiyyat
- 8 Avqust 2016 12:14
-
- İqtisadiyyat
- 8 Avqust 2016 12:41
Cəmiyyət
-
Oktyabrın 24-də paytaxtda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Mülayim şimal-qərb küləyi əsəcək. Havanın temperaturu 19 dərəcəyə qədər yüksələcək. Nisbi rütubət gecə 70-75, gündüz 50-55 faiz təşkil edəcək.
-
Kənd təsərrüfatı məhsullarının ixracından əldə olunan külli miqdarda pul vəsaitlərini ölkəyə qaytarmayan şəxslər müəyyən olunub.
-
2024-cü ildə Ailə, Qadın və Uşaq Problemləri üzrə Dövlət Komitəsinin 11 regional ofisinə erkən nikahlarla bağlı 31 ərizə daxil olub. Dövlət Komitəsinin əməkdaşları müdaxilə edib. Müraciətlərə əsasən, 18 halda erkən nikahın qarşısı alınıb, 5 ərizə isə əsassız hesab olunub. Bir müraciət qeyri-informativ olub, bu səbəbdən iş araşdırılmayıb. Üç müraciət üzrə Ailə Qrupunun əməkdaşları eyni ailələrlə bağlı əvvəlki məlumatların monitorinqi çərçivəsində yenidən ailələrə baş çəkiblər. Dörd halda söhbət artıq bağlanmış nikahdan gedirdi. Bu məlumat Turan Agentliyinin sorğusu əsasında Ailə, Qadın və Uşaq Problemləri üzrə Dövlət Komitəsi tərəfindən verilib.
-
Paytaxtın "Sabunçu keçidi" adlanan ərazisində yağış suları ilə dolu tuneldə daha bir nəfərin cəsədi aşkar edilib, bu barədə Baş Prokurorluğun mətbuat xidmətindən məlumat verilib.
Qarabağın bərpası üçün ayrılan vəsaitlərin xərclənməsində şəffaflıq varmı? – Akif Nəsirli Çətin sualda
Xəbər lenti
-
- Cəmiyyət,
- 14:05
- 201
Rəy yaz