Açiq mənbələrdən foto.
Bakı/22.12.21/Turan: Çərşənbə günü Bakı Ağır Cinayətlər Məhkəməsində Azərbaycan XİN-in keçmiş işlər müdiri Fərhad Mollazadə və Konsulluq İdarəsinin məsul işçisi Səlim Əlizadənin işi üzrə proses başa çatıb.
Məhkəmə təqsirləndirilən şəxsləri iki il sınaq müddəti olmaqla, şərti cəzaya məhkum edib.
Prokuror hər iki təqsirləndirilən şəxs barəsində ev həbsinin ləğv edilməsini, onların 7 il azadlıqdan məhrumetmə cəzasına məhkum edilməsini və məhkəmə zalında həbs edilməsini təklif etmişdi. Amma məhkəmə fərqli qərar verib.
Mollazadə və Əlizadə 2020-ci ilin mayında Dövlət Təhlükəsizliyi Xidmətinin əməkdaşları tərəfindən həbs edilib. Onlara qarşı CM-in 179.3.2 (böyük ölçüdə mənimsəmə), 308 (vəzifə səlahiyyətlərindən sui-istifadə) və 311-ci (rüşvət alma) maddələri ilə ittiham irəli sürülüb.
İstintaq zamanı XİN-in fəaliyyətində idarə üçün satınalmaların həyata keçirilməsində maliyyə sui-istifadəsi faktları aşkar edilib. Sövdələşmələr saxta tenderlər yolu ilə həyata keçirilirdi. Mənimsənilən vəsaitin məbləği bir neçə milyon manat təşkil edib. -16D-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz