Bakı/22.12.21/Turan: Bu gün Milli Məclisin təşəbbüsü ilə Medianın İnkişafı Agentliyində (MEDİA) “Media haqqında” qanun layihəsinin müzakirəsi keçirilib. Qanun layihəsi dekabrın 10-da parlamentə təqdim olunub və iki oxunuşda qəbul edilib.
Müzakirələrdə jurnalistlər, media ekspertləri, MEDİA, Milli Televiziya və Radio Şurasının rəhbərləri, parlament komitələrinin rəhbərləri Əli Hüseynli, Zahid Oruc və digərləri olmaqla 20-ə yaxın adam iştirak edib.
Qanun layihəsinin müxtəlif aspektləri, o cümlədən onun Konstitusiyaya, beynəlxalq qanunvericiliyə uyğunluğu, KİV-in lisenziyalaşdırılması, vahid reyestr, jurnalist vəsiqələri və başqa məsələlər nəzərdən keçirilib.
Dəvət edən tərəf cəmiyyət və dövlət üçün daha mükəmməl və məqbul qanunun qəbul edilməsi məqsədilə məsləhətləşmələrin davam etdirilməsinin vacibliyini bildirib.
Görüşdə iştirak edən media sahəsində hüquqşünas Ələsgər Məmmədli dekabrın 23-də qanun layihəsinin hüquqi aspektləri üzrə məsləhətləşmələrin davam etdirilməsi üçün parlamentə dəvət edilib. --0-
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz