![Yadigar Sadıqovun apellyasiyası](https://turan.az/resized/media/2014/main/041500075545-750-500-resize.webp)
Yadigar Sadıqovun apellyasiyası
Aprelin 15-də Şirvan Apellyasiya Məhkəməsində İsmayıl Əhmədovun sədrliyi ilə xuliqanlıq ittihamı ilə 6 il müddətinə azadlıqdan məhrum edilmiş Müsavat Partiyası rəhbərinin müşaviri Yadigar Sadıqovun işi üzrə hazırlıq iclası keçirilib.
İclasda müdafiə tərəfi təkrar məhkəmə istintaqının keçirilməsi haqqında vəsatət qaldırıb. Hakim vəsatəti qismən təmin edib və işə baxılmasını aprelin 29-na təyin edib. Bu barədə Turan-a Sadıqovun vəkili Xalid Bağırov bildirib.
Lakin hakimin qərarı vəkilə verilmədiyinə görə hələlik qismi məhkəmə istintaqının hansı formada keçiriləcəyi məlum deyil.
“Ümid edirik ki, apellyasiya məhkəməsi birinci instansiya məhkəməsində baxılmamış hallara baxacaq”, deyə vəkil bildirib. O, həmçinin apellyasiya məhkəməsində Lənkəran məhkəməsi tərəfindən rədd edilmiş vəsatətlərin təmin ediləcəyinə ümid etdiyini bildirib.
Onlardan biri mobil rabitə operatorlarına istintaqın hadisə şahidi kimi təqdim etdiyi şəxslərin mobil telefonlarının yeri haqqında məlumat vermək haqqında sorğu göndərilməsidir. Vəsatət hadisə günü onların ümumiyyətlə hadisə yerində olmaması ilə əlaqədar verilib.
* Yadigar Sadıqov 27 aprel 2013-cü ildə yerli sakin Rəşid Kərimovun iddiası ilə həbs edilib. Kərimov iyunun 25-də Lənkəran şəhərində çayxanada Sadıqovun onu döydüyünü iddia edib. Bu zaman Kərimovun bəyanatı hökumətyönlü və dövlət KİV-lərində Sadıqovun saxlanılmasından əvvəl yayılıb. 13 yanvar 2014-cü ildə Sadıqov 6 il müddətinə azadlıqdan məhrum edilib.
Hüquq müdafiə təşkilatları hesab edirlər ki, Sadıqov müxalif fəaliyyətinə və sosial şəbəkələrdə fəallığına görə siyasi motivlərlə təqib edilir.
Sülh və Demokratiya İnstitutu onu “İsaxan Aşurov” adına hüquq müdafiə mükafatına layiq görüb. -06B-
-
- İqtisadiyyat
- 15 Aprel 2014 15:30
-
- Siyasət
- 15 Aprel 2014 16:36
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz