Avqustun 27-də Şəkidə Yaponiyanın Azərbaycandakı səfiri Şuşuke Vatanabenin və təhsil naziri Mikayıl Cabbarovun iştirakı ilə texniki peşə məktəbinin təmirdən çıxmış binasının açılışı keçiriləcək. Bu barədə səfirliyin Turan agentliyinə göndərilmiş press-relizində bildirilir.
Sözügedən layihə üzrə qrant sazişi Yaponiya səfirliyi və “Şəki təhsil və ekologiya mərkəzi” ictimai birliyi arasında bu ilin fevralında imzalanmışdı.
Layihənin məqsədi texniki peşə məktəbi tələbələrinin – Şəki və ona qonşu olan səkkiz rayonun sakinlərinin təhsil şəraitini yaxşılaşdırmaqdan ibarətdir.
Layihənin ümumi dəyəri 122.513 dollar təşkil edir. Yaponiya hökuməti insan təhlükəsizliyi proqramı çərçivəsində Şəkidə ümumilikdə 13 layihə həyata keçirib. Ümumilikdə Yaponiya hökuməti 13 500 995 ABŞ dolları dəyərində 168 qrant layihəsi həyata keçirib. -04D-
Cəmiyyət
-
Bu gün, sentyabrın 16-da Azərbaycanda yeni tədris ili başlayıb. Məktəbəqədər və Ümumi Təhsil üzrə Dövlət Agentliyinin açıqlamasına görə, 2024-2025-ci tədris ili üzrə I sinfə 132 min 261 uşaq qəbul olunub. Bu, ötən ilin göstəriciləri ilə müqayisədə azdır. Elm və Təhsil Nazirliyinin məlumatına görə, 2023-2024-cü tədris ilində ölkənin ümumtəhsil məktəblərinin I sinfinə 137 min 862 uşaq qəbul olmuşdu.
-
Sentyabrın 17-də Bakıda və Abşeronda havanın buludlu olacağı gözlənilir, gecə və səhər bəzi yerlərdə yağış yağacaq. Bu barədə Milli Hidrometeorologiya Xidmətinin məlumatında deyilir. Şimal-şərq küləyi əsəcək. Havanın temperaturu gecə müsbət 15 + 20, gündüz müsbət 24 + 27 dərəcə olacaq.
-
Sentyabrın 15-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin səhər bəzi şəhərətrafı ərazilərdə qısamüddətli yağış yağacağı ehtimalı var. Mülayim şimal-şərq küləyi əsəcək. Havanın temperaturu gecə müsbət 19+22, gündüz müsbət 26+29 dərəcə olacaq, Milli Hidrometeorologiya Xidməti bildirib.
-
2024-cü ilin ilk yeddi ayında Azərbaycan narkotik maddə asılılığına, narkotik və psixotrop maddələrin qanunsuz dövriyyəsinə qarşı mübarizəni gücləndirdi və Dövlət Narkomaniya və Narkotik Vasitələrin Qanunsuz Dövriyyəsinə Qarşı Mübarizə Komissiyasının daimi işçi qrupu tərəfindən bu sahədə əhəmiyyətli nəticələr əldə olunduğu bildirildi. Komissiya tərəfindən aparılan geniş təhlillər ölkənin narkotik maddələrə qarşı mübarizəsində həm uğurlar, həm də davam edən problemləri üzə çıxardı.
Rəy yaz