ATƏT-in Bakı ofisi Azərbaycan Prezident Administrasiyası və Mərkəzi Seçki Komissiyası (MSK) ilə birgə Bakıda seçki prosesinə qanunsuz müdaxilənin yolverilməz olduğu haqqında informasiya sessiyaları seriyasından ilk sessiyanı keçirib. Tədbirlər oktyabrda keçiriləcək prezident seçkilərinə həsr edilib.
Vətəndaş cəmiyyəti və MSK ekspertləri 76 yerli icra hakimiyyəti orqanı və dairə seçki komissiyası rəhbərinin iştirakı ilə keçirilən seminarda məruzələrlə çıxış ediblər.
İştirakçılar qarşısında ATƏT-in Bakı ofisinin rəhbəri, səfir Koray Tarqay, MSK sədri Məzahir Pənahov, Azərbaycan Prezident Administrasiyasının ictimai-siyasi şöbəsinin müdir müavini Ərəstun Mehdiyev və Avropa İttifaqının müvəqqəti işlər vəkili Toralf Pilts və başqaları çıxış ediblər.
“Azərbaycan demokratik inkişaf yolu ilə real irəliləyiş əldə edə bilər. ATƏT Azərbaycana azad və ədalətli seçkilər keçirilməsi üzrə öhdəliklərini yerinə yetirməsində dəstək göstərməyə davam edəcək”, deyə Tarqay bildirib.
İnformasiya sessiyaları avqustun 27-də və 30-da müvafiq olaraq Mingəçevir və Şirvanda da keçiriləcək. -06D-
Siyasət
-
TURANın Vaşinqton müxbiri xəbər verir ki, ABŞ dövlət katibi Entoni Blinken bazar ertəsi Azərbaycan prezidenti İlham Əliyevə zəng edərək Azərbaycan və Ermənistan arasında davamlı və ləyaqətli sülhün vacibliyini bir daha təsdiqləyib.
-
Sentyabrın 16-da Bakı Ağır Cinayətlər Məhkəməsində iş adamı, Milli Məclisin sabiq deputatı Nazim Bəydəmirlinin işi üzrə prosesdə dövlət ittihamçısı məhkəmə istintaqının yekunlaşdırılmasını təklif edib.
-
Sentyabrın 16-da Gürcüstan Miqrasiya Xidməti Azərbaycan vətəndaşı, “Azel” TV saytının təsisçisi Əfqan Sadıqova sığınacaq verməkdən imtina edib. Bu barədə Turan agentliyinə onun xanımı Sevinc Sadıqova bildirib.
-
Bakı Apellyasiya Məhkəməsi Müsavat Partiyasının sədr müavini Mustafa Hacıbəylinin növbədənkənar parlament seçkiləri zamanı pozuntulara dair şikayətini təmin etməyib.
Rəy yaz