Bakı/26.02.20/Turan: Yüz qırx dörd nəfərdən ibarət Ləzran kəndinin və Yardımlı rayonunun digər 7 yaşayış məntəqələrin bir qrup sakini prezident İlham Əliyevə və Şirvan Apellyasiya Məhkəməsinin sədri Rəşadət Ağayevə müraciət etdilər.
Müraciətdə sakinlər keçən ilin fevralın 23-də Ləzran kəndinə hücum etməsinin nəticəsində kənd sakini Bəhruz İsgəndərovun 9 yaşlı oğlu Həsrətin gözü qarşısında vəhşicəsinə qətlə yetirilmiş və digər üç sakini bıçaqlayaraq ölümcül döymüş 10-12 nəfərdən ibarət silahlı şəxslərə Lənkəran Ağır Cinayətlər Məhkəməsi tərəfindən yüngül cəza verməyindən şikayət edirlər. Sakinlər təqsirləndirilən şəxsləri Cinsyət Məcəlləsində nəzərdə tutulmuş ən ağır cəza ilə cəzalandırmağa xahiş edirlər.
Müraciətdə həmçinin deyilir ki, hücum edən bəzi şəxslər istintaqdan kənarda qalıblar və hazırda zərərçəkmiş sakinləri təhdid edirlər.
Qeyd edək ki, Lənkəran Ağır Cinayətlər Məhkəməsinin 10 dekabr 2019-cu il tarixli hökmü ilə təqsirləndirilən şəxslər Hüseynov Teymur Bəyoğlan oğlu, Məmmədov Röyal İnqilab oğlu müvafiq olaraq 18 il 6 ay və 18 il müddətinə azadlıqdan məhrumetmə cəzasına məhkum ediliblər.
Hüseynov Elşən Bəyoğlan oğluna 17 il müddətə azadlıqdan məhrumetmə cəzası təyin edilib.
Hüseynov İskəndər Bəyoğlan oğluna və Hüseynov Zamin Mirzəkişi oğluna CM-nin 120.2.1 və 120.2.2-ci (qəsdən adam öldürmə) maddələri ilə bəraət verilib, CM-nin 221.3-cü (Xuliqanlıq) maddsi ilə onlara 5 il 6 ay müddətə azadlıqdan məhrum etmə cəzası təyin edilib.—0—
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz