Bakı/05.07.18/Turan: Yardımlı rayonunun Şıxlar kəndi (Bakıdan 292 kilometr cənub) yaxınlığında çətin keçilən dağlıq ərazidə meşə zolağında yanğın başlayıb.
Fövqəladə Hallar Nazirliyinin mətbuat xidmətinin məlumatına görə, nazirliyin Dövlət Yanğından Mühafizə Xidmətinin canlı qüvvə və texnikası, Aviasiya dəstəsinin "BE 200 ÇS" amfibiya təyyarəsi, "Mi-17" yanğınsöndürmə helikopteri, Meşə Təsərrüfatı İdarəsinin əməkdaşları, yerli əhali söndürmə işlərinə cəlb olunub.
Ekologiya və Təbii Sərvətlər Nazirliyinin (ETSN) məlumatında isə deyilir ki, yanğın 1 hektar ərazini əhatə edir. Ərazidəki quru ot örtüyü və xırda kollar yanır.
Hazırda yanğın lokallaşdırılır.
Ekologiya və Təbii Sərvətlər Nazirliyi (ETSN) həmçinin meşə yanğınları ilə bağlı əhaliyə müraciət edib.
"Əhalini meşədə istirahət edərkən məsuliyyətli, odla ehtiyatlı olmağa, xüsusilə havaların isti keçməsi ilə əlaqədar yanğın təhlükəsizliyi normalarına riayət etməyə çağırırıq. Əks halda baş vermiş yanğın qarşısı alınmaz nəticələrə səbəb olur, meşə örtüyünə ciddi ziyan dəyir", müraciətdə qeyd edilir. -03D-
Cəmiyyət
-
Ötən həftə ərzində hüquq müdafiəçisi Rüfət Səfərov, MeydanTV internet televiziyası ilə əməkdaşlıq edən altı jurnalist və onların bəzi yaxınları həbs olundular. Üstəlik, siyasi şərhçi Azər Qasımlı da saxlandı. O, hədə-qorxu ilə tələb etmədə, qalanları isə qaçaqmalçılıqda şübhəli sayılır.
-
Lahıcda Vətəndaş A filminin çəkilişləri zamanı İctimai Televiziyanın çəkiliş qrupuna məxsus dron qəzaya uğrayıb. Əvvəlcə filmin operatoru dronun Azərbaycan sərhədçiləri tərəfindən vurulduğunu iddia etsə də, prodüser bu açıqlamanı təkzib edərək dronun onun səhvi ucbatından qayaya çırpıldığını bildirib.
-
Dekabrın 10-da tutqun hava şəraiti davam edəcək. Gecə yağış yağa bilər. Şimal-şərq küləyi gündüz cənub-şərq küləyinə keçəcək. Havanın temperaturu gecə müsbət 5 +7, gündüz müsbət 7 + 10 dərəcə olacaq. Rütubət 60-70 faiz olacaq.
-
Lider mobil operator milli mətbuat nümayəndələrinin peşəkar bacarıqlarının artırılmasına yönəlmiş növbəti təşəbbüsünü həyata keçirir 6 dekabr rabitə və informasiya texnologiyaları işçilərinin peşə bayramında lider mobil operator jurnalistlərin rəqəmsal savadlılığının artırılmasına yönəlmiş xüsusi təlim təşkil etdi. Beynəlxalq təlim şirkəti tərəfindən keçirilən kurs çərçivəsində media nümayəndələrinə ən yeni media tendensiyalar və qabaqcıl texnologiyalar barədə geniş məlumat təqdim edildi.
Rəy yaz