Yeni �beyin mərkəzi� yaradılıb

Bakı/31.05.19/Turan: Azərbaycanın bir qrup tanınmış exsperti yeni qurumun - Cümhuriyyət Araşdırmalar Mərkəzinin (CAM) yaradıldığını elan edib. Qurum respublikaçı ideyaların məzmununu, təsirini, respublika idarəçilik formasının təşkilini, çeşidlərini, onun başqa idarəçilik formalarından fərqini, respublikaçılığın siyasi, hüquqi, iqtisadi, sosial, mədəni və tarixi çəhətlərini araşdıran düşüncə mərkəzidir.

Müstəqil qurum olan CAM-ın əsas məqsədi yeni qanunvericilik təşəbbüsləri, mövcud problemlərlə bağlı mövqe sənədləri ilə çıxış etmək, qüvvədə olan qanunların hüquqi, sosial, iqtisadi ekspertizasını həyata keçirməkdir.

CAM ölkədə fəaliyyət göstərən bütün siyasi, ictimai qurumlarla əməkdaşlığa açıqdır.
CAM-ın təsisçiləri iqtisadçı Natiq Cəfərli və hüquqşünas Vəfa Rüstəmdir. İdarə Heyətinə hüquqşünas Erkin Qədirli, vəkillər Şəhla Hümbətova və Cavad Cavadov, filosof Rəhman Bədəlov və politoloq Rəşad Şirinov daxildir.

İdarə Heyəti 2 illiyə təyin edilir. Mərkəzin direktoru Natiq Cəfərlidir.-06D-