![Yenilənmiş siyasi məhbuslar siyahısında 93 ad var](https://turan.az/resized/media/2015/main/122300141351-750-500-resize.webp)
Yenilənmiş siyasi məhbuslar siyahısında 93 ad var
Siyasi məhbusların vahid siyahısının tərtib edilməsi üzrə işçi qrup məhbuslar haqqında məlumatları yeniləyib. Qrupun məlumatında xatırladılır ki, bu ilin may ayında hazırlanmış əvvəlki siyahda 80 ad var idi.
Siyahıdan Leyla və Arif Yunus da daxil olmaqla, üç nəfərin adı çıxarılıb. Amma siyahıya yeni siyasi məhbuslar – 16 nəfər düşüb. Seçim meyarı kimi AŞPA-nın 3 oktyabr 2012-ci il tarixli 1900 nömrəli qətnaməsi tətbiq edilib.
Beləliklə, bu gün üçün siyasi məhbusların sayı 93 nəfər təşkil edib.
Bəzi məhbusların doğmaları qarşı çıxsalar və “siyasiləşdirməyə” etiraz etsələr də, qrup bütün şəxslərin adını siyahıda saxlayıb.
Xüsusən, siyahıya “Azadlıq” qəzetinin baş redaktoru Qənimət Zahidin qohumları – Rüfət Zahidov və Rövşən Zahidov, satirik şair Tofiq Həsənov, “Meydan TV” rəhbəri Emin Millinin qohumu Nazim Ağabəyov daxil edilib.
Həmçinin, siyahıda “Meydan TV” redaktoru Günel Mövludun qardaşları Vəkil İmanov və Raci İmanovun adı var.
Milli Şura sədri Cəmil Həsənlinin qızı, yaşayış tipli cəzaçəkmə məntəqəsində cəzaya məhkum edilmiş Günel Həsənli də siyahıda yenidir.
Bundan başqa, siyahıya AXCP sədr müavini Fuad Qəhrəmanlı, AXCP rəhbərinin müşaviri Məmməd İbrahim, Naxçıvanlı AXCP fəalları Zeynalabidin Bağırzadə, Nazim Mahmudov daxil edilib.
Bundan əlavə, siyahıda nurçular İsmayıl Məmmədov, Rəvan Səbzəliyev, Eldəniz Hacıyev, Şahin Həsənov və Zəkəriyya Məmmədov var.
Nardaranda xüsusi əməliyyat zamanı həbs edilmiş “Müsəlman Birliyi” hərəkatının lideri Taleh Bağırzadənin işi də qrupun müşahidəsi altındadır. -06D-
-
- Siyasət
- 23 Dekabr 2015 16:34
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz