«Yeqovo şahidləri» sektasından iki qadın birillik həbs cəzasından sonra azadlığa buraxılıb
“Yeqovo şahidləri” sektasından iki qadın birillik həbs cəzasından sonra azadlığa buraxılıb. Yanvarın 28-də Pirallahı Rayon Məhkəməsi 55 yaşlı əmək qabiliyyəti olmayan dul qadın İrina Zaxarçenkonu və 38 yaşlı Validə Cəbrayılovanı azad edib. Sonuncu həbsdən öncə öz yaşlı anasına baxırmış.
Məhkəmə onları qadağan edilmiş dini ədəbiyyatın yayılması ittihamı üzrə pul cəriməsi ilə cəzalandırıb. Bu cəza növü elan edildikdən onlar məhkəmə zalından buraxılıblar.
Bu barədə Turan-a Siyasi Məhbusların Monitorinqi Mərkəzinin rəhbəri Elşən Həsənov məlumat verib.
“Avropa İnsan Hüquqları Konvensiyasının 9-cu maddəsinə (düşüncə, vicdan və din azadlığı) zidd olaraq bu xəstə qadınlar demək olar ki, iki ildir ki, həbsdədir”, - o qeyd edib.
E.Həsənovun fikrincə, hakimiyyətin hərəkətləri dini tolerantlıq barədə bəyanatlarla bir araya sığmır.
İ.Zaxarçenko və V.Cəbrayılova bir il öncə Milli Təhlükəsizlik Nazirliyinin əməkdaşları tərəfindən həbs olunublar.
“Dindarlara təzyqlər davam edir. “Rəhimə xanım” məscidinin axundu Nuhbala Rəhimov həbs edilib. Salyanda 58 yaşlı hacı İnqilab Əhədli dövlətə xəyanət ittihamı ilə həbs olunub. Onun həbsi barədə doğmalarına məlumat verilməyib. Nurçular İsmayıl Məmmədov, Eldəniz Hacıyev, Şahin Həsənov, Zəkəriyyə Məmmədov və Rəvan Səbzəliyev də həbs olunub”, - E.Həsənov bildirib.
Azərbaycanda 93 siyasi məhbusdan 48-i dindardır.—06B--
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz