Cümhuriyyətin banisi –Məhəmməd Əmin Rəsulzadə anıldı

Ölkənin müxalif qüvvələri 1918-20-ci illər Azərbaycan Cümhuriyytənin banisi Məıhəmməd Əmin Rəsulzadəni anadan olduğu yanvarın 31-də elə anadan olduğu Novxanı kəndindəki abidəsi önündə anıblar.

Anım ziyarətinə müxalif qüvvələrlə yanaşı Novxanı kənd sakinləri də qatılıblar.

Səhər saatlarından Müsavat, AXCP, KXCP, Bozqurd və s. partiyalar M.Ə.Rəsulzadənin abidəsi yerləşdiyi parka yürüş ediblər. 

“Bu gün dövlətimizi quranların, onu bərpa edınləırin bayarmıdır”deyə ilk çıxışçı Klassik Xalq Cəbhəsi partiyasının sədri Mirmahmud Mirəlioğlu bildirib. Partiya sədri bu mövzuda rəsmi Bakıya da mövqe ifadə edib “Ar olsun o kəslərə ki, bu bayrağın altında and içirlər, bayraq meydanı düzəldirlər, amma orada “Bir kərə yüksələn bayraq bir daha enməz”,- sözlərini yazmağa qorxurlar”deyə M.Mirəlioğlu rəsmi Bakını M.Rəsulzadəyə laqeydlikdə ittiham edib. Onun fikrincə, bu bayrağı qaldıranların ruhları həmin sözlərin ölkənin hə hər yanında yazıldığını görəndə şad olacaq. Əsl bayram bu gün olduğunu deyən M.Mirəlioğlu M.Rsulzadənin ad günü münasibətilə hamınlı tıəbrik edib.  

Müsavat başqanı Arif Hacılı qeyd edib ki, Məmməd Əmin Rəsulzadənin ideyaları yerinə yetəcək, gerçək olacaq.  

“Rəsulzadə o şərəfli həyatı yaşamış birisidir ki, özündən sonra qoyduğu irs məslək yoludur və biz bu yolu dönmədən getməkdəyik. Rəsulzadə yalnız azərbaycan xalqının azalığı uğrunda mübarizə aparan şəxsiyyət olmayıb, sovet əsarətində əzilən xalqların lideri kimi təqdim olunur”. deyə tarixçi Nəsiman Yaqublu M.Rsulzadənin apardığı mübarizəyə qiymət verib.  

Milli Strateji Düşüncə Mərkəzinin rəhbəri İsa Qəmbər Azərbaycan tarixi, mədəniyyəti və  taleyində M.Ə.Rəsilzadənin həlledici rolu, xidmətləri olduğunu vurğulayıb. İ.Qəmbər Azərbaycan tarixində ona bərabər səviyyədə ikinci şəxs tapmağı mümkünsüz sayıb, bu şəxsin  Azərbaycan istiqlalına, müstəqilliyinə hər zaman inandığını qeyd edib. Eyni zamanda İ.Qəmbər bu yolun qarşısını kəsmək istəyənılərin də olduğunu yada salıb.“Bu yolun qarşısını həmişə kəsməyə çalışıblar. Amma bu yolu davam etdirən böyük insanlar olub. Biz də bu yolu davam etdirəcəyik. Bu yolun qarşısını kəsmək mümkün deyil”deyə İ.Qəmbər nəzərə çatdırıb.  

 M.Ə.Rəsulzadə 1884-cü il yanvarın 31-də Bakının Novxanı kəndində tanınmış ruhani ailəsində anadan olub. Gənc yaşlarından siyasi fəaliyyətə qoşulub. 1911-ci ildə Müsavat partiyasını yaradib. Azərbaycanın gələcəyini ancaq milli istiqlalda görüb. 1918-ci ildə milli istiqlalın elan edilməsində xüsusi rolu olub. Yaradılan Milli Şuranin illk sədri olub. Cümhuriyyt 1920-ci ildə süqut etdikdən sonra mühacirətə gedib və mühacirətdə azadlıq mücadiləsini son nəfəsinə kimi davam etdirib. Böyük öndər 1955-ci il martın 5-də Türkiyədə vəfat edib.—05С--