Milli Şura yanvarın 31-də Azərbaycan Cümhuriyyətinin banisi Məmməd Əmin Rəsulzadənin doğum günü ilə əlaqədar anım mitinqi keçirib. Mitinq Rəsulzadənin doğulduğu Novxanı kəndində, böyük öndərin Bakıdakı yeganə abidəsi önündə olub.
Milli Şura üzvləri və tərəfdarları, o cümlədən AXCP fəalları abidənin olduğu parka mərkəzi yoldan başlayaraq, yürüşlə gediblər. İzdihamlı yürüş boyu “Rəsulzadə-Elçibəy, başqa böyük yox!”, “Heykəli bircə kənddə, nüfuzu məmləkətdə!”, “İnsanlara hürriyət, millətlərə istiqlal!”, “Azadlıq!” şüarları səsləndirilib.
Mitinqin aparıcılığını AXCP Gənclər Komitəsinin sədri İlham Hüseyn edib.
Mitinqdə Milli Şura sədri Cəmil Həsənli və AXCP lideri Əli Kərimli çıxış edərək, Rəsulzadənin tarixdəki yüksək yeri, Azərbaycan dövlətinin qurulması, Sovet işğalından sonra isə onun bərpası uğrunda apardığı mücadilədən, ictimai-siyasi xadim kimi çoxşaxəli fəaliyyətindən, xalqımızın taleyində oynadığı əvəzsiz roldan bəhs ediblər.
“Məhəmməd Əmin Rəsulzadə ictima-siyasi proseslərin səhnəsinə gələndə Azərbaycan xalqı yol axtarırdı. Bu yolun hədəflərini verən olsa da, onu ümumi sistem kimi formalaşdırmaq missiyası Rəsulzadənin üzərinə düşdü”, – deyə Cəmil Həsənli vurğulayıb.
Əli Kərimli deyib ki, Rəsulzadə çətin zamanlarda üzərinə liderlik məsuliyyəti götürərək bu dövlətin qurulmasında müstəsna xidməti olan şəxsiyyətdir.“Xalqımız haqlı olaraq bu böyük şəxsiyyəti sevir və onunla qürur duyur. Məhəmməd Əmin Rəsulzadə təkcə siyasətçi, ideoloq, dövlət xadimi deyildi, həm də millətimizin böyük yazarı, publisist idi. Ən vacibi isə özünü Azərbaycan dövlətinə və millətinə həsr etmiş böyük fədai idi” deyə Xalq Cəbhəsi partiyasının sədri Ə. Kərimli bildirib. O, vaxt gələcək ki, Rəsulzadənin məzarının Bakıya gətiriləcəyi və ən böyük abidənin də məhz ona qoyulacağını vurğulayıb.
“Azərbaycan tarixində iki dəfə – Azərbaycan Xalq Cümhuriyyəti və Azərbaycan Xalq Cəbhəsinin hakimiyyəti dövründə təmiz əllərdə olub. Azərbaycana 23 ildir ki, rəhbərlik edən sülalə hakimiyyəti illərdir ki, bu iki təmizlik simvolları ilə mübarizə aparır”, deyə Əli Kərimli indiki iqtidarın haqqında danşılan tarixlərə münasiəbtini nəzərə zəərəbildirib.
Mitinqdən sonra Novxanı qəbristanlığında Rəsulzadənin doğmalarının məzarı ziyarət olunub.—05C--
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz