İsrailin Bakıya təklif etdiyi analoji silahlar Ermənistana lazım deyil, bu, çox bahadır. Ermənistanın müdafiə nazirinin birinci müavini David Tonoyanın sözlərinə görə, ermənilər pilotsuz uçan aparatları qumbaraatanlarla əvəzləyib.
Yerevan İsrail silahlarının alınması barədə Tel-Əvivin təklifini qəbul etməyib, Tonoyan bildirib. Onun sözlərinə görə, respublikanın dünya silah bazarına çıxışı var, ancaq Qarabağ münaqişəsi zonasında hərbi imkanların artmasına yardım etməmək istəyilə əlaqədar Aİ ölkələri və ABŞ tərəfindən bəzi siyasi məhdudiyyətlər var, - RİA-Novosti bildirib.
“Münaqişə zonasına silah göndərilməməsinə dair centlmen sazişi fəaliyyət göstərir. Təbii ki, zərurətdən irəli gələrək bu, belə məhdudiyyətlərə malik olmayan başqa ölkələrdə alınır. İsrail Azərbaycana satdığı analoji silahları bizə də təklif edib. Biz imtina etdik, çünki buna ehtiyac görmürük. Biz başqa həll yolu tapmışıq və gördüyünüz kimi, bu silah növləri o qədər də uğurlu deyil. Mülki avtobusu adi qumbaraatandan da vurmaq olar”, - RİA “Novosti” erməni nazir müavinindən sitat gətirib.
Çox güman ki, Tonoyan ötən həftə Washington Post saytında dərc edilmiş videoçarxdan danışıb. Videoçarxda Dağlıq Qarabağda Ermənistan və Azərbaycan arasında döyüş zonası göstərilir. Qarabağda hücum zamanı İsrailin pilotsuz uçan aparatı görünür.
Ermənistan Müdafiə Nazirliyinin bəyanatına görə, Azərbaycan hərbçilərinin göndərdiyi pilotsuz uçan aparat erməni könüllülərin olduğu avtobusun üzərinə düşüb. Nəticədə 7 nəfər həlak olub.
İzRus portalı bildirib ki, Ermənistanın Misirdə və İsraildəki səfiri Armen Melkonyan İsrail XİN-ə etirazını bildirmək üçün ötən həftənin sonlarında Qüdsə gedib.
“Avrasiya” şöbəsinin rəhbəri Dan Oriyanın aldığı sənəddə Azərbaycana silah göndərilməsinə son qoyulması tələb edilib. -02D-
Cəmiyyət
-
"Son 10 ildə ali təhsil müəssisələrinə qəbul göstəricisi artıb və bu da kəmiyyət göstəricisidir". Bunu təhsil naziri Emin Əmrullayev fevralın 10-da Bakıda Dünya Bankının illik qlobal hesabatının təqdimatında deyib.
-
Gənclər Azərbaycanı beynəlxalq olimpiadalarda təmsil etməyə hazırlaşır Təhsil İnsititutunun təşəbbüsü və Azercell-in dəstəyilə İT üzrə beynəlxalq olimpiadalara hazırlaşan milli komandamız üçün növbəti “Qış Kampı” təşkil olunub. Bu dəfə düşərgə çərçivəsində məktəblilərimiz Oxford Universitetinin Avtonom maşınların idarə olunması üzrə məzunu Tərlan Süleymanov və Google Texnologiya şirkətinin Poqram təminatı mühəndisi Rəhim Məmmədli ilə görüşmək, onların dəyərli təcrübəsindən faydalanmaq imkanı əldə ediblər. Qonaqlar iştirakçılara müasir proqramlaşdırma dilləri və texnologiyaları barədə master-klass keçiblər.
-
Çərşənbə günü paytaxtda hava tutqun olacaq. Axşama doğru Abşeronda bəzi yerlərdə yağıntı ola bilər. Şimal-qərb küləyi əsəcək. Havanın temperaturu gecə mənfi 1 + 2, gündüz müsbət 3 +7 dərəcə olacaq. Rütubət gecə 70-80, gündüz 60-65 faiz olacaq.
-
Azərbaycan Prezidenti yanında Əfv Məsələləri Komissiyasının iclaslarının yenidən bərpa ediləcəyi və növbəti əfv sərəncamının imzlanacağı gözlənir. Sonuncu belə sərəncam ötən il mayın 25-də, Müstəqillik Günü (28 may) ərəfəsində imzalanmışdı. Sərəncam 154 nəfərə şamil edilmişdi. Onlardan 63 nəfər azadlıqdan məhrumetmə cəzasından azad edilmiş, 52 şəxsin cəzasının çəkilməmiş hissəsi yarıyadək azaldılmışdı. Qalanları isə, əsasən, elektron qolbaqdan azad edilib və ya belə cəzanın azaldılmasını əhatə edirdi.
Rəy yaz