Yol polisi hava şəraitilə əlaqədar sürücüləri ehtiyatlı olmağa çağırır
Baş Dövlət Yol Polisi İdarəsi əlverişsiz hava şəraitilə əlaqədar sürücülərə müraciət edib.
Müraciətdə deyilir ki, hazırda ölkə ərazisində müşahidə olunan soyuq və küləkli hava şəraiti yaxın günlərdə davam edəcək, bəzi yerlərdə sulu qar və qar yağacaq.
Baş Dövlət Yol Polisi İdarəsi qeyri-sabit hava şəraitilə əlaqədar sürücüləri ehtiyatlı olmağa çağırır.
Yol Polisi İdarəsi əlverişsiz hava şəraitinin piyadaların hərəkətində də çətinliklər yaradacağını nəzərə alaraq, onlara təhlükəsizlik baxımından məsuliyyətli olmağı, özlərinin və digər hərəkət iştirakçılarının həyat və sağlamlığına təhlükə yaradan davranışlardan çəkinməyi tövsiyə edib.
Qeyd edək ki, yanvarın 22-də ölkənin qərb rayonlarından başlayaraq qar yağır. Axşama doğru paytaxtda da əlverişsiz hava şəraiti olacaq.
Cəmiyyət
-
Bakıda Əhmədli, Günəşli, NZS qəsəbələri və bəzi digər ərazilərdə pis qaz qoxusu ilə bağlı şikayətlər səngimir. Şikayətçilər deyir ki, bu, artıq yenə neçə gündür baş verir.
-
Yanvarın 23-də Bakıda hava tutqun olacaq. Axşam və səhər bəzi yerlərdə yağış yağacaq.
-
Yanvarın 18-də İmişli rayonunda baş vermiş yol-nəqliyyat qəzasında zərər çəkmiş daha bir nəfər Bakıda xəstəxanada vəfat edib. Həkimlərin səylərinə baxmayaraq, azyaşlının (2015-ci ildə anadan olub) həyatını xilas etmək mümkün olmayıb.
-
Sosial mediada tənqidi paylaşımlarına görə saxlanılan müxalifət üzvləri həmin gün azadlığa buraxılıb, polis tərəfindən kobud rəftar və zorakılıq hallarına dair heç bir məlumat yoxdur, "Müsavat" Partiyası sədr müavini Mustafa Hacıbəyli Turan xəbər agentliyinə bildirib.
Rəy yaz