![Yunis Səfərov](https://turan.az/resized/750/500/resize/media/2022/main/012600044112.jpg)
Yunis Səfərov
Bakı/26.01.22/Turan: Yanvarın 26-da Bakı Apellyasiya Məhkəməsində hakim Mirzəli Abbasovun sədrliyilə Yunis Səfərov və digər 11 nəfərin cinayət işi üzrə apellyasiya baxışı davam edib.
Məhkəmə iclası zamanı Yunis Səfərov 3 gündür aclıq aksiyasına başladığını bildirib.
Vəkil Bəxtiyar Hacıyev deyib ki, Yunis Səfərovun aclıq etməsinin səbəbi Gəncə hadisələrilə bağlı digər şəxslərin barəsində ədalətsiz məhkəmə hökmləridir.
“Müdafiə etdiyim Yunis Səfərov hesab edir ki, həmin şəxslərlə bağlı məhkəmə hökmləri ədalətsizdir. Çünki həmin şəxslər bilavasitə onunla birgə hadisələrdə iştirak etməyiblər. Onların silahı olmayıb. Yunis Səfərov cinayəti törətmək üçün bir müddət silah axtarıb, tapa bilməyib. Daha sonra bir polisə hücum çəkərək onun silahını əlindən alıb və cinayəti törədib. Həm ibtidai istintaqda, həm də birinci instansiya məhkəməsində bildirmişdilər ki, əgər onun əlində başqa silahlar olubsa və belə bir mütəşəkkil dəstə vardısa, bunlar niyə cinayəti müstəqil olaraq törətməyiblər”, - vəkil Hacıyev deyib.
Məhkəmə prosesində mühakimə olunan şəxslərdən Firuddin Zeynalov, Mahir Əzizov və Vüqar Məmmədov çıxış ediblər. Onlar özlərini təqsirli bilmədiklərini və bütün ittihamların əsassız olduğunu bildiriblər.
Növbəti məhkəmə iclası fevralın 9-dək təxirə salınıb.-0-
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz