![Zahidovların işi üzrə məhkəmə qərarı yubadılır](https://turan.az/resized/media/2017/main/011800180716-750-500-resize.webp)
Zahidovların işi üzrə məhkəmə qərarı yubadılır
Yanvarın 18-də Sumqayıt Apellyasiya Məhkəməsində “Azadlıq” qəzetinin baş redaktoru və “Turan” TV-nin təsisçisi Qənimət Zahidovun narkotik maddə ittihamı ilə həbsə atılan qohumları ilə bağlı yekun qərar elan olunmalı idi. Amma prosesə sədrlik edən hakim Hüseyn Nəbiyev müddəti daha bir ay uzadaraq fevralın 17-də son qərarın elan ediləcəyini bildirib.
Ötən ilin dekabrın 21-də keçirilən prosesdə vəkillər çıxış edərək bəraətverici əsaslarla cinayət işinə xitam verilməsini məhkəmədən xahiş ediblər. Mühakimə olunan Rövşən Zahidov (Qənimət Zahidin əmisi oğlu) və Rüfət Zahidov (Qənimət Zahidin qardaşı oğlu) vəkillərin çıxışı ilə razı olduqlarını bildirərək günahsız oıduqlarını deyiblər. Hakimlər son qərarı dekabrın 28-də elan edəcəklərini bildirsələr də həmin gün qərarı elan etməyib və prosesi 2016-cı il yanvarın 18-dək təxirə salıblar. Amma bugünkü prosesə sədrlik edən hakim Hüseyn Nəbiyev son qərar üçün müddəti daha bir ay uzadıb.
“Məhkəmənin daha bir ay təxirə salınmasını müəmmalı hal kimi qiymətləndirirəm. Hakim vəkillərin iştirak etməməsini bəhanə gətirib prosesə bir ay ara verib. Amma vəkillər çıxışını başa çatdırıb. Əgər vəkillərin iştirakı çox vacib idisə, prosesi bir neçə saat təxirə sala bilərdilər, vəkillər iştirak edə bilərdi”, - vəkil Bəhruz Bayramov Turan-a bildirib.
Rövşən və Rüfət Zahidovlar 2016-cı ilin iyulunda həbs olunublar. Onlar satış məqsədi ilə külli miqdarda narkotik maddənin saxlanmasında ittiham olunaraq Bakı Ağır Cinayətlər Məhkəməsinin hökmü ilə 6 il müddətinə azadlıqdan mərhum ediliblər.
Hər iki şəxs ittihamı qəbul etməyərək həbslərinin Qənimət Zahidin hakimiyyət əleyhinə tənqidi fikirlərinə görə ona təzyiq vasitəsi olduğunu deyiblər.
Amnesty International onları “vicdan məhbusları” kimi tanıyıb.
Ancaq 2016-cı il noyabrın 8-də KİV-də onların adından bəyanat yayılıb. Onlar Qənimət Zahidovdan imtina etdiklərini bildiriblər və mediadan onları “vicdan məhbusları” adlandırmamağı xahiş ediblər.--03B06-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz