Bu gün “Nardaran işi” üzrə prosesdə müttəhimlərin yekun çıxışları davam edib. Onlar həbsdən sonra DİN Baş Mütəşəkkil Cinayətkarlığa Qarşı Mübarizə İdarəsində (BMCQMİ) işgəncələrin verilməsi, onlarla qeyri-insani rəftar edilməsi barədə digər müttəhimlərin bəyanatlarını təsdiqləyiblər.
Müttəhim Əli Nuriyev bildirib ki, xüsusi əməliyyat zamanı yaralanan Rafael Bünyadov İmam Hüseyni köməyə çağırdığına görə polis əməkdaşları onu incidiblər.
BMCQMİ-də ondan Aşuranı qeyd etməməyi, imamlara matəm saxlamamağı tələb ediblər.
Şamil Abdullayev deyib ki, indiyədək onun bədənində iki güllə qalır. Həmin güllələri keçən il noyabrın 26-da Nardaranda xüsusi əməliyyat zamanı polis atıb. Onu xəstəxanaya Nardaran sakinləri aparıblar. Lakin əməliyyat və müalicə əvəzinə polislər onu dindiriblər.
“Həkimlərə dedilər ki, həyatıma təhlükə yoxdur, əməliyyat etməyin. Əlimdə gips ola –ola məni kameraya atdılar”, - Ş.Abdullayev bildirib.
Abbas Tağızadə, Rasim Cəbrayılov, Zakir Mustafayev də işgəncələrdən danışıblar.
Onlar məhkəmədən xahiş ediblər ki, onların barəsində ömürlük həbs cəzası çıxarsınlar.
“Bizə qarşı çox ədalətsizlik olub. Heç olmasa, indi ədalətli olun və bizi Taleh Bağırzadədən ayırmayın”, - Ş.Nuriyev vurğulayıb.
İclas yanvarın 19-da davam edəcək.
Əli Quliyev və AXCP sədrinin müavini Fuad Qəhrəmanlının çıxışları olacaq.—36C--
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz