![Zamin Salayev](https://turan.az/resized/media/2023/main/040600060637-750-500-resize.webp)
Zamin Salayev
Zamin Salayev 59 gündür İstintaq Təcridxanasında aclığı davam etdirir
Bakı/06.04.23/Turan: Xalq Cəbhəsi Partiyasının Salyan rayon təşkilatının sədri Zamin Salayev 59 gündür 1 saylı Bakı İstintaq Təcridxanasında aclığı davam etdirir.
Salayev ona qarşı irəli sürülmüş ittihama etiraz edir, azad edilməsini tələb edir.
Aprelin 6-da vəkil Nemət Kərimli 1 saylı İstintaq Təcridxanasında Salayevə baş çəkib.
"Zamin Salayevin vəziyyəti daha da pisləşib. Onun güclü baş ağrıları, başgicəllənmələri var. O, çətinliklə hərəkət edir. Tez-tez huşunu itirir", deyə vəkil bildirib.
Bununla belə, Salayev aclığı davam etdirir və sonuna qədər getmək niyyətindədir.
Vəkilin sözlərinə görə, Salayev hələ də İstintaq Təcridxanasının sanitariya hissəsinə köçürülməyib. "O, daimi tibbi müşahidə altında deyil. Vəziyyəti pisləşdikdən sonra yanına həkim gəlir", deyə Kərimli bildirib.
Vəkil bildirib ki, aprelin 7-də Qaradağ rayon məhkəməsində onun ev dustaqlığına köçürülməsindən imtina qərarından verilmiş şikayətə baxılacaq.
Penitensiar Xidmətdən şərh almaq mümkün olmayıb.
Xatırladaq ki, fevralın 8-də Bakının Qaradağ Rayon Məhkəməsi Zamin Salayevi üç ay müddətinə həbs edib. Ona qarşı CM-in 221.3-cü maddəsi ilə cinayət işi açılıb. Fəal 5 ilədək azadlıqdan məhrum edilə bilər.
Zamin Salayev məhkəmədə ona qarşı irəli sürülmüş ittihamın yalan olduğunu və sosial şəbəkələrdə hakimiyyəti tənqid etdiyinə görə cəzalandırıldığını bildirib. 06B
-
- Siyasət
- 6 Aprel 2023 16:37
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz