Zaqatala rayon sakini Vüsal Bəşirov noyabrın 28-də həmyerliləri Rəşad Tahirov və Araz Musayev tərəfindən amansız divana məruz qalıb.
Baş Prokurorluğun mətbuat xidmətinin məlumatına görə, Tahirov və Musayev Bəşirovu borcunu qaytarmadığına görə döyüblər, daha sonra əllərini və ayaqlarını bağlayaraq şəhər kənarına aparıblar, burada balta ilə hər iki əlini biləkdən kəsiblər.
Faktla bağlı 29, 120.2.1, 120.2.2, 120.2.4-cü (xüsusi amansızlıqla qətlə hazırlıq) maddələr üzrə cinayət işi başlanıb, ekspertizalar təyin edilib.
Görülmüş tədbirlər nəticəsində Musayev saxlanılıb. Tahirovun tutulması üzrə tədbirlər görülür. Bəşirovun vəziyyəti haqqında məlumat verilmir. Qeyri-rəsmi məlumatlara görə, o, əməliyyat olunub. -06D-
Cəmiyyət
-
Sosial mediada tənqidi paylaşımlarına görə saxlanılan müxalifət üzvləri həmin gün azadlığa buraxılıb, polis tərəfindən kobud rəftar və zorakılıq hallarına dair heç bir məlumat yoxdur, "Müsavat" Partiyası sədr müavini Mustafa Hacıbəyli Turan xəbər agentliyinə bildirib.
-
Yanvarın 14-də saat 12:30-da Dövlət Sərhəd Xidmətinin Sərhəd Qoşunları Komandanlığının "Horadiz" sərhəd dəstəsinin xidməti ərazisində ümumi çəkisi 37 kiloqram 396 qram narkotik vasitənin - marixuananın qaçaqmalçılıq yolu ilə İran İslam Respublikası ərazisindən Azərbaycan Respublikasına keçirilməsinin qarşısı alınıb.
-
Yanvarın 22-də paytaxtda hava tutqun olacaq. Axşama doğru bəzi yerlərdə yağış yağacağı ehtimalı var. Səhər və axşam duman olacaq. Cənub-şərq küləyi əsəcək. Havanın temperaturu gecə 3-5 dərəcə, gündüz 8-10 dərəcə, nisbi rütubət 70-80% təşkil edəcək.
-
İmişlidə 2 uşağın ölümü ilə nəticələnən yol qəzasına səbəb olmaqda təqsirləndirilən 17 yaşlı oğlan həbs edilib.
Rəy yaz