“Gen MMC” mənzil tikinti şirkətinin mənzil tikintisi adı ilə aldatdığı bir qrup vətəndaş cümə günü RATİ-də mətbuat konfransı keçirib.
Bu şirkət 2007-ci ildən bu yana 370-dən yuxarı vətəndaşı mənzil tikintisi adı ilə aldadır. Vətəndaşlar mənzil almaq üçün şirkətin rəhbəri Elbrus Əliyevə 8 milyon manata yaxın pul versələr də, nəticə alınmayıb. İki-üç il sonra E.Əliyev dələduzluq maddəsilə həbsə alınıb. Buna baxmayaraq, bu günə kimi nə vətəndaşlara mənzil verilib, nə də hər-hansı yardım edilib. Bu sıradan yalnız 53 ailə Masazırda mənzil ala bilib. Bu da Abşeron rayon icra başçısının mənzil tikintisinə lazımi qədər torpaq ayırması ilə mümkün olub.
Zərərçəkənlərin nümayəndəsi Fəridə Ələkbərova bu qədər vətəndaşın aldadılmasına görə təkcə E.Əliyevin deyil, həm də vətəndaşları aldatmaq şəraiti yaradan, indiyə kimi tədbir görməyən rəsmi qurumların da məsuliyyət daşıdıqlarını vurğulayıb. Müxtəlif məhkəmə instansiyaları keçilsə də, problemin həllinə elə bir ciddi təsiri olmayıb. Bununla belə, zərərçəkənlər avqustun 22-nə məhkəmə prosesinə hazırlaşırlar.
Bununla yanaşı, vətəndaşlar mənzillərini əldə edə bilmək üçün kütləvi aksiayalar keçirmək təklifi veriblər. -05C-
Cəmiyyət
-
Otuz ildən artıq bir müddətdə Turan İnformasiya Agentliyi Azərbaycanda müstəqil jurnalistikanın dayağı olub, siyasi və iqtisadi qeyri-sabitlik şəraitində obyektiv və etibarlı xəbərlər təqdim edib. 1990-cı ildə - Sovet İttifaqının son günlərində yaradılan agentliyimiz, keçid dövrünün çətinliklərindən, müharibə və islahatlar dövrlərindən keçərək ictimai maraqları qorumağa sadiq qalıb.
-
Fevralın 14-də Bakıda və Abşeronda hava tutqun olacaq, yağış yağacaq. Şimal-qərb küləyi əsəcək. Havanın temperaturu gecə müsbət 2 + 4, gündüz müsbət 5 + 7 dərəcə olacaq. Rütubət 75-85 faiz olacaq.
-
Naxçıvan Baş Gömrük İdarəsinin "Culfa" gömrük postunda İrandan gələrək Azərbaycan ərazisindən tranzit keçməklə Türkiyəyə "PVC" yükü aparan nəqliyyat vasitəsi əsaslı yoxlamaya cəlb edilib. Keçirilən yoxlama zamanı nəqliyyat vasitəsinin yanacaq qatqısı çənindən və qızdırıcı sistemin çənindən maye halında 101 kq 400 qram psixotrop maddə - metamfetamin aşkar edilib
-
Bu il sertifikatlaşdırmaya 22 min xarici dil müəllimi və ötən il uğur qazana bilməyən 4 min müəllim cəlb ediləcək. Bu barədə fevralın 12-də Məktəbəqədər və Ümumi Təhsil üzrə Dövlət Agentliyinin (MÜDTA) direktoru Eşqi Bağırov jurnalistlərə açıqlamasında deyib.
Rəy yaz