Ziyalılar Forumu korrupsiyaya qarşı
Cümə günü Azərbaycan Ziyalılar Forumu ölkədə korrupsiya problemini ictimai müzakirəyə çıxarıb. Landmark ofis mərkəzində keçirilən dinləmələrdə elmi və yaradıcı ictimaiyyətin nümayəndələri iştirak ediblər.
İqtisadçı Qubad İbadoğlu Azərbaycan iqtisadiyyatında korrupsiya elementlərini əhatə edən hesabatı təqdim edib. Bura dövlət büdcəsinin formalaşmasından və icrasından başlamış xarici ticarət və əmtəə bazarında inhisara kimi məlumatlar daxil olub. Qeyd olunub ki, büdcənin 46%-i və ya 8 mlrd. manat müxtəlif lisenziyaların alınmasına, məhsul istehsalına aidiyyatı olmayan layihələrə ayrılıb. Xarici ticarətdə beş il ərzində 10 mlrd. manat vergidən gizlədilib ki, bu da 3 mlrd. manatdan çox vergi itkisinə səbəb olub.
Oliqarxların inhisarları qiymətləri görünməmiş həddə qaldırır. Əgər 1 kq. portağal gömrükdə 44 qəpik bəyan edilirsə, vergi nəzərə alınmaqla 60 qəpiyə qalxır. Bazarda isə 2,2 manata satılır. Kartofun qiyməti 6 qəpikdən 55 qəpiyə, balıq 31 qəpikdən 5 manata kimi qaldırılır və s.
Debatlar zamanı Azərbaycanda bu halın müxtəlif səbəblərinin olmasından, onun aradan qaldırılmasının yollarından danışılıb. Professor Cəmil Həsənlinin fikrincə, korrupsiya avtoritar sistemin törəməsidir, bunun əsasında bəzilərinin təqdim etməyə cəhd göstərdiyi kimi, xalqın tarixi mentallığı və mədəniyyətinin bir hissəsi yox, şəxsiyyət azadlığının boğulması durur. “Şimali və Cənubi Koreyaya diqqət yetirin. Orada eyni xalqlar yaşayır. Lakin onlar həm maddi, həm də mənəvi baxımdan başqa cür düşünür və yaşayır”, - o bildirib.
Bu ideyanı keçmiş deputat Gültəkin Hacıyeva da dəstəkləyib. O, Gürcüstanı misal çəkərək qeyd edib ki, Saakaşvilinin siyasi iradəsi korrupsiyanın kəskin şəkildə azalmasına və Gürcüstanın dünyanın korrupsiyaya uğramamış ölkələr sırasına düşməsinə səbəb olub.
2011-ci ildə Azərbaycanın dövlət sektorunda korrupsiyanın səviyyəsinə üzrə göstəricisi daha da pisləşib. Transparency İnternational-ın məılumatına görə, 2,4 balla 184 ölkə arasında 143-cü yeri tutub. 2008-ci ildə bu göstərici 1,9 bal olub.
Gallup beynəlxalq agentliyinin sorğusuna əsasən Azərbaycan əhalisinin böyük hissəsi - 65% hesab edir ki, ölkədə biznes mühitində korrupsiya geniş yayılıb.
Korrupsiya cəmiyyətin və dövlətin bütün sahələrinə keçir, yazıçı Əkrəm Əylisli bildirib. Onun sözlərinə görə bu, elə kök salıb ki, qanun və qaydaların məzmununu dəyişməli olub, ictimai rəyi, davamlı ictimai psixologiyanı formalaşdırır. Ən faciəvi hal odur ki, adamlar rüşvətxorluğa normal yaşayışlarını təmin etməyə can atmaları ilə haqq qazandırır.
Çıxışların mahiyyəti ondan ibarət olub ki, adamların korrupsiyanın gətirdiyi təhlükə barədə məlumatlandırılması məsələsində ictimai institutların rolu canlandırılsın.
Müzakirələrin yekunlarına əsasən Ziyalılar Forumu adından korrupsiya əleyhinə xüsusi müraciətin qəbul olunması qərara alınıb. 0—
-
- Foto sessiyalar
- 29 İyun 2012 19:49
-
- Siyasət
- 30 İyun 2012 00:31
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz