ABŞ Senatı cümə günü ümumi iclasında Riçard Morninqstarı Azərbaycana səfir postuna təsdiqləyib. Bu barədə Turan-ın müxbirinə Senatdakı mənbə məlumat verib.
Morninqstardan başqa ABŞ-ın Birma, Qambiya, Nepal, Monqolustan, Mikroneziya, Ekvatorial Qvineya, Maldiv, Mozambik, Surinam və Tacikistanda səfirləri təsdiqlənib.
Prezident Obama apreldə Morninqstarı Azərbaycana səfir təyin edib. İki həftə əvvəl Senatın Xarici Əlaqələr Komitəsi bu təyinatı təsdiqləyib.
Yeni səfir yaxın həftələrdə öz missiyasına başlayacaq.
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz