Azərbaycan Ziyalılar Forumunun (ZF) Məşvərət Şurası(MM) ölkədəki cari ictimai-siyasi durum və 2012-ci ilin sonunadək olan dövr üçün ZF-nun fəaliyyətlə bağlı bəyanat qəbul edib.
Forum ölkə parlamentinin formalaşdırılması proseduruna işıq salan məlum “video qalmaqalı” kimi konkret cinayət faktına iqtidarın sərgilədiyi ziddiyyətli və qətiyyətsiz movqeyi ölkənin dövlət idarəetmə orqanlarının yaşadığı siyasi, hüquqi və mənəvi-əxlaqı böhranın göstəricisi adlandırır.
Sənəddə bu cinayət faktı barədə hüquq-mühafizə orqanlarında məlumat olduğu halda uzun müddət fəaliyyətsiz qalmaları qeyd edilir. Siyasi rəhbərliyə daxil olan bəzi yüksək vəzifəli məmurların cinayət törədən şəxsləri himayə etdikləri nəzərə çatdırılır. Parlamentin legitimliyinə kölgə salan hadisənin müzakirəsindən iqtidarın imtina etməsi hakimiyyətin mənbəyinin xalq olması haqda Konstitusiyasının birinci maddəsinin fiksiyaya çevrilməsinin sübutu sayılır.
Sənəddə hakimiyyətin yuxarı eşelonu ilə bağlı korrupsiya faktlarının son zamanlar sistemli şəkildə ifşa edilməsi nəzərə çatdırılır. Hakim elitanın ölkənin bütün təbii sərvətlərinə, iqtisadi və maliyyə resurslarına qanunsuz yolla sahiblənərək nəzarətinə dair təkzibedilməz sübutların olduğu vurğulanır. Seçkilərdə deputat mandatlarının hərraca çıxarılması, “qaliblərin” “siyahı üzrə” təyin edilməsi Azərbaycan siyasi sisteminin total şəkildə kriminallaşmasına dəlalət edir.
“İqtidarın uzun müddət ərzində həyata keçirdiyi “kriminal yolla zənginləşmə” siyasəti ölkəni sistemli böhranın astanasına gətirib çıxarıb”, - bəyanatda qeyd edilir. Bu ağır durumdan yeganə çıxış yolu kimi siyasi, hüquqi və sosial-iqtisadi islahatlarının aparılması göstərilir. Müəlliflərə görə iqtidarın bu yöndə siyasi iradəsinin olmaması böhranın dərinləşəcəyini, cəmiyyət üçün təhlükəli radikalizm, siyasi və sosial sarsıntı risklərinin kəskin artacağını söyləməyə əsas verir.
Müəlliflər mövcud iqtidarın yalnış siyasəti nəticəsində dərinləşən siyasi, hüquqi və sosial-iqtisadi deqradasıyanın dövləti və milli maraqları təhdid etdiyi qənaətini bildirir. Sənəddə bu təhlükəli tendensiyanın qarşısının alınması üçün demokratik qüvvələrin konsolidasiyasını tələb olunduğu ortaya qoyur.
Bəyanat müəllifləri həmçinin iqtidarı gənc müsavatçı Nigar Yaqublunu, bloqer Zaur Qurbanlını, jurnalist Əvəz Zeynallını, Hilal Məmmədov, Vidadi İskəndərli kimi siyasi motivlərə görə həbe edilən bütün şəxsləri azadlığa buraxmağa çağırır.-05D-
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz