“AbzasMedia” niyə qəzəbə tuş gəlib? – Samir Kazımlı Çətin sualda

Bakı/21.11.23/Turan: Son günlər hökumət Azərbaycanda fəaliyyət göstərən “AbzasMedia”-ya təzyiq göstərir.

Əvvəlcə medianın direktoru Ülvi Həsənli saxlanıldı.  Əvvəlcə ondan xəbər almaq mümkün olmadı. Daha sonra onu polisin saxladığı və Bakı Şəhər Baş Polis İdarəsində olduğu məlum oldu. Noyabrın 20-i gün ərzində Ülvi Həsənlinin evində və “AbzasMedia”nın ofisində axtarış aparıldı. Ofisdən 40 min avro tapıldığı deyildi. Bundan sonra Ülvi Həsənli barəsində Cinayət Məcəlləsinin 206.3.2-ci maddəsilə (qabaqcadan əlbir olan bir qrup şəxs tərəfindən qaçaqmalçılıq) ittiham irəli sürüldü.

Həmin gün ictimai fəal Məhəmməd Kekalov da evindən mülki geyimli polis əməkdaşları tərəfindən aparılıb.

Bu gün isə medianın baş redaktoru Sevinc Vaqifqızı Azərbaycana dönərkən hava limanında saxlanılıb. Onun da evində axtarış aparılıb.

Səbəb nədir?

Hüquq müdafiəçisi Samir Kazımlı Kamran Mahmudovun təqdimatında yayımlanan “Çətin sual” verilişində bu barədə danışır.