ADR partiyası niyə qeydiyyata alınmır? Ayrıseçkilik? – Qubad İbadoğlu “Çətin sual” qarşısında

Bakı/26.08.22/Turan:  Ədliyyə Nazirliyi Azərbaycan Demokratiya və Rifah (ADR) Partiyasının dövlət qeydiyyatı üçün təqdim etdiyi sənədləri üçüncü dəfə geri qaytarıb.

Qubad İbadoğlunun sədrlik etdiyi partiya 2015-ci ildən fəaliyyət göstərmiş Azərbaycan Demokratiya və Rifah Hərəkatının bazasında yaradılıb. Təsis qurultayı 2021-ci il oktyabrın 17-də keçirilib, sənədlər noyabrın 11-də dövlət qeydiyyatı üçün Ədliyyə Nazirliyinə təqdim edilib.

2022-ci il martın 1-də Ədliyyə Nazirliyinin sənədləri geri qaytardığı məlum olub. Rəsmi cavabda sənədlərdə bəzi qüsurlar olduğu vurğulanıb. Martın 16-da partiya Ədliyyə Nazirliyinə yenilənmiş sənədlər təqdim edib. İyunun 21-də Ədliyyə Nazirliyi imza çatışmazlığı iradı tutaraq sənədləri yenə geri qaytarıb.

İyulun 5-də partiya üçüncü dəfə Ədliyyə Nazirliyinə müraciət edib. Nazirlikdən avqustun 17-də göndərilmiş rəsmi cavabda qeyd olunub ki, qurumun nizamnaməsində parlament, prezident və bələdiyyə seçkilərində namizədlərin irəli sürülməsi qaydası yer almır.

Avqustun 24-də partiya fəalları Ədliyyə nazirliyinin binası qarşısında partiyanın qeydiyyata alınması tələbi ilə etiraz eksiyası keçiriblər.

Partiya sədri Qubad İbadoğlu Kamran Mahmudovun təqdimatında yayımlanan “Çətin sual” verilişində partiyanın qeydiyyata alınmaması ilə bağlı danışır.   

Youtube səhifəsinin ünvanı:

https://www.youtube.com/c/TuranAgentliyi

Facebook səhifəsinin ünvanı:

https://www.facebook.com/turanagency