Azərbaycan Qərb münasibətlərində dəyişən nəsə varmı? – Əhməd Əlili Çətin sualda

Azərbaycanda son zamanlar Qərbə qarşı kəskin tənqid ritorikasının azalması müşahidə olunur. Qarşı tərəfdən də müsbət siqnallar gəlir.

Avropa Şurasının Nazirlər Komitəsinin fəaliyyətdə olan sədri, Lixtenşteynin XİN başçısı Dominik Haslerin Azərbaycan nümayəndə heyətinin AŞPA-ya qayıtmasının müzakirəsi ilə bağlı bəyanatı, Prezidentin Almaniya kansleri Olaf Şoltsla görüşü, ABŞ Dövlət katibi Entoni Blinkenlə telefon danışıqları, Fransa səfiri Ann Buayonun Azərbaycana qayıdışı və diplomatik fəaliyyətini davam etdirməsini buna misal çəkmək olar.

Amma digər tərəfdən isə Azərbaycanda vətəndaş cəmiyyəti üzvlərinin həbsləri davam edir. Eyni zamanda ABŞ-ın bir qrup Konqresmeni Azərbaycanın 40-dan yuxarı yüksək vəzifəli məmurlarına sanksiya tətbiq edilməsini istəyir. Bundan başqa ABŞ Rusiyaya köməyə görə Azərbaycan şirkətlərinə sanksiyalar qoyub.

Bəs bütün bunları necə başa düşək? Qərblə münasibətlərdə müsbət dəyişiklik varsa, bəs niyə Azərbaycanda sivil toplum nümayəndələrinin həbsləri davam edir? Azərbaycan münasibətlərdəki müsbət dəyişiklikdən istifadə etmək yerinə, niyə həbsləri davam etdirərək Qərbin tənqidi yanaşmasını üzərinə çəkir?

Siyasi analitik Əhməd Əlili Kamran Mahmudovun təqdimatında yayımlanan “Çətin sual” verilişində bu barədə danışır.