Benzinin qiyməti yenə niyə bahalaşdı? – İlham Şaban “Çətin sual" qarşısında

Bakı/15.09.21/Turan: Bu gündən Azərbaycanda “Aİ-95” ("Premium") və “Aİ-98” ("Super") markalı benzinin qiymətləri artırılıb. “Aİ-95” markalı benzinin 1 litrinin qiyməti 1,6 manat, “Aİ-98” markalı benzinin qiyməti isə 1,9 manat olub. Dövlət Neft Şirkətinin (SOCAR) yanacaq satışı ilə məşğul olan törəməsi - “SOCAR Petroleum” QSC-nin mətbuat katibi Üzeyir Həbibbəyli bildirib ki, Azərbaycanda “A-98 SUPER” və “A-95 PREMİUM” yanacaq növlərinin bahalaşması mənbə ölkədə qiymət artımı ilə əlaqədardır.

Qeyd edək ki, avqust ayından "Premium"un 1 litrinin qiyməti 1,45 manat, "Super" markalı benzinin qiyməti isə 1,6 manat idi.

Xatırladaq ki, bu ilin iyun ayında  Aİ-95 benzininin qiyməti 1,25 manatdan 1,40 manata, Aİ-98 benzininin qiyməti isə 1,40 manatdan 1,55 manata yüksəlmişdi. SOCAR-ın ictimaiyyətlə əlaqələr və tədbirlərin təşkili idarəsinin rəis müavini İbrahim Əhmədov  bildirmişdi ki, ölkə daxilində bu benzin növlərinin qiymətinin artımı birbaşa olaraq dünya bazarında neftin və neft məhsullarının bahalaşması ilə əlaqədardır. İyulun sonu avqustun əvvəlində  Azərbaycanda “Aİ-95” premium markalı benzin də 5 qəpik bahalaşaraq qiyməti 1,40 manatdan 1,45 manata, “Aİ-98” markalı benzinin 1 litrinin qiyməti 5 qəpik artırılaraq 1,55 manatdan 1,60 manata  çatdırılmışdı. Və bu da istehsalçı ölkədəki qiymət artımı ilə əlaəqələndirilmişdi.

“Aİ-95” ("Premium") və “Aİ-98” ("Super") markalı benzinin qiymətlərinin artması barədə Kamran Mahmudovun təqdimatında yayımlanan “Çətin sual” verilişində enerji məsələləri üzrə ekspert İlham Şaban danışdı. --0--