Əlizadə: “Etimad, mehribanlıq qaldığı halda məsələləri daha tez həll etmək olar”

Bakı/14.04.21/Turan: Ermənilərin mental problemi var, əvvəlcə o həllini tapmalıdır. Nə üçünsə ermənilər özləriini ən qədim xalq sayır və öz xülyalarını həqiqət hesab edir. Politoloq Zərdüşt Əlizadə bunu Turan-ın “Çətin Sual” proqramının 14 aprel 2021-ci il tarixli buraxılışında bildirib.

Əlizadə deyir ki, öncə ermənilərə xəstə olduqları, müalicə almalı odluqları izah olunmalıdır, ondan sonra kommunikasiyalar da, turist səfərləri də ola bilər və hamısı da mümkündür.

“Zəngəzur dəhlizi”nin üzərində çalışıldığını deyən Əlizadə bidirir ki, bu dəhliz 2020-ci il noyabrın 10-da imzalanmış üçtərəfli bəynatda da əksini tapmışdı. Eyni zamanda, Əlizadə bu dəhlizin turançılığın güclənməsinə xidmət edəcəyi barədə düşüncələri əsassız adlandırıb: “Baxın, 22 ərəb dövləti var, eyni dildə danışırlar, amma bu 22 dövlət arasında bir etimad yoxdur. Bizdə də bu yolla Yaxın Şərqə, ərəb dünyasına çıxış olar. Amma bunun heç bir şəkildə siyasi əlaqəsi yoxdur”.

Əlizadə vurğulayır ki, ABŞ-la Çin, Türkiyə ilə Rusiya, Azərbaycan-Rusiya münasibətləri var, amma bu, o demək deyil ki, bunlar əbədi belə qalacaqlar.

Əlizadə düşünür ki, ATƏT-in Minsk Qrupuna arxa çevirmək olmaz, sülh sazişi kimi məsələlər bu qurumun əlilə həllini tapacaq.

Onun fikrincə, mehribanlıq, etimad qaldıqca məsələləri daha tez həll etmək olar. -05B-