İranın fətvası, İsrailin “Pegasus”u və Azərbaycanın yeni Baş Qərargah rəisi – Ərəstun Oruclu “Çətin sual" qarşısında

Bakı/27.07.21/Turan: Bütün Qafqazın Şeyxi Allahşükür Paşazadənin Şuşada verdiyi “Xameneinin "Qarabağ İslam torpağıdır" fətvası qələbəmizin carçısı idi” bəyanatı  bir neçə gündür sosial şəbəkələrdə və mediada müzakirə olunur. Şeyxin dediklərini sosial şəbəkələrdə adi vətəndaşlar, hətta iqtidaryönlü media belə sərt tənqid edir.

Azərbaycandan o cümlədən digər ölkələrdən olan jurnalistlərin, siyasətçilərin, insan haqları müdafiəçilərinin telefonlarının “Pegasus” adlı casus proqramının köməyi ilə izlənilməsi hazırda dünyanın əsas mövzularındandır. Jurnalistlərin Mütəşəkkil Cinayətkarlıq və Korrupsiyanı Araşdırma Layihəsi OCCRP son araşdırmasında İsrailin “NSO Group” şirkəti tərəfindən hazırlanmış Pegasus casus proqramının köməyi ilə jurnalistlərin, fəalların və siyasətçilərin telefonlarının kütləvi şəkildə izlənildiyi göstərilib.

Müdafiə Nazirliyi rəhbərliyindəki son təyinatlar, xüsusilə Kərim Vəliyevin Baş Qərargah rəisi vəzifəsinə təyin edilməsi də cəmiyyətdə əsas müzakirə mövzularından biridir.

Gündəmdə olan bu və digər mövzularla bağlı siyasi şərhçi Ərəstun Oruclu Kamran Mahmudovun təqdimatında yayımlanan “Çətin sual” verilişində danışdı.