Qaziləri kim və ya nə intihara sürükləyir? – Rey Kərimoğlu və Hacı Vəliyev “Çətin sual” qarşısında

Bakı/11.07.22/Turan: İkinci Qarabağ müharibəsində iştirak edən, "Mauqli” ləqəbli qazi Elvin Cəfərov ötən gün Sabirabad Rayon İcra Hakimiyyətinin önündə özünü yandırıb. Onun vəziyyətinin ağır olduğu bildirilir.

Ötən həftə Şəmkir rayonunun Yeni Həyat kənd sakini, 1996-cı il təvəllüdlü Həsənov İlham Yılmaz oğlu Şəmkir rayon İcra Hakimiyyətinin qarşısında özünə od vurmuşdu. Onun intihara cəhdinin qarşısının alınmışdı, alov söndürülmüşdü. Yanıq xəsarətləri alan İlham Həsənov xəstəxanaya yerləşdirilib.

İyulun 7-də isə Sumqayıtda qazi, polkovnik-leytenant Şahmurad Museyib oğlu Məmmədov məhkəmədə ürəyi partlayaraq ölüb. təqaüd kartında olan 100 manat pulunu bankomatdan çıxarmağa gedib. Lakin kartının bloklandığını görüb. Həmçinin onun bütün təqaüd pulunun məhkəmə tərəfindən borclarına yönəldiyi bildirilir. Bu səbəblərdən Ş. Məmmədov Sumqayıt şəhər Məhkəməsinə gedərək öz etirazını bildirib. Lakin bu zaman qəflətən ürəyi dayanaraq ölüb.

Son vaxtlar gündəmdə olan qazilərin durumu, onların intiharlarının səbəbləri barədə “Qarabağ Qaziləri” İB-nın İdarə Heyətinin üzvü, jurnalist Rey Kərimoğlu və Gənc Qazilər İctimai Birliyinin sədri Hacı Vəliyev Kamran Mahmudovun təqdimatında yayımlanan “Çətin sual” verilişində danışırlar.

Youtube səhifəsinin ünvanı:

https://www.youtube.com/c/TuranAgentliyi

Facebook səhifəsinin ünvanı:

https://www.facebook.com/turanagency