Ramin Bayramlının istefası nəyi dəyişəcək? – Nazim Bəydəmirli “Çətin sual" qarşısında

Bakı/14.09.21/Turan: TƏBİB-in İdarə Heyətinin sədri Ramin Bayramlı öz Twitter səhifəsində vəzifəsindən istefa verdiyini bildirib.

“Hörmətli dostlar! Artıq TƏBİB-in İdarə Heyətinin sədri vəzifəsindən ayrılmağım üçün ərizə ilə müraciət etmişəm. İstər 44 günlük haqq savaşımızda, istərsə də ümumbəşəri bəla sayılan COVID-19 virusu ilə mübarizədə çiyin-çiyinə çalışdığımız dəyərli məsləkdaşlarıma öz təşəkkürümü bildirir, bu yolda canlarını qurban vermiş həkimlərimizin ruhu qarşısında baş əyirəm.Bundan sonra da Vətənimə və xalqıma xidmətimi davam etdirəcəyəm”.

Öncə sosial şəbəkələrdə Ramin Bayramlı villasının tikintisi ilə bağlı informasiyalar yayılıb. Bu isə, korrupsiyada dolayı iştirak kimi qiymətləndirilir. TƏBİB-in fəaliyyətinə də çox iradlar birdiliridi. Bayramlı 20 dekabr 2018-ci il tarixdə vəzifəyə təyin edilib.

İcbari Tibbi Sığorta üzrə Dövlət Agentliyinin (Agentlik) İdarə Heyətinin sədri Zaur Əliyevin əmri ilə TƏBİB-in İdarə Heyətinin sədri vəzifələrini müvəqqəti icra etmək səlahiyyəti Vüqar Cavanşir oğlu Qurbanova verilib. Bildirilib ki, o, hazırda Agentliyin Tibbi iddialar departamentinin rəhbəri vəzifələrini icra edir.

Ramin Bayramlının istefası TƏBİB-in fəaliyyətinə müsbət təsir edəcəkmi?

Bu və digər suallara iqtisadçı ekspert Nazim Bəydəmirli Kamran Mahmudovun təqdimatında yayımlanan “Çətin sual” verilişində  cavab verdi.