![Sərhəddə gərginlik. Sülh danışıqları, yoxsa yenidən qarşıdurma? – Cəsur Məmmədov saat 16:00-da Çətin sualda](https://turan.az/resized/news/2024/VPNMVefoSMQY0JJb3NL0xW0w4UKmVVWCglCBKQ1p-750-500-resize.webp)
Sərhəddə gərginlik. Sülh danışıqları, yoxsa yenidən qarşıdurma? – Cəsur Məmmədov saat 16:00-da Çətin sualda
Son günlər Azərbaycan Ermənistan sərhəddindən atəş səsləri gəlir. Fevralın 24-də saat 12:45-də Ermənistan Silahlı Qüvvələrinin bölmələri Kəlbəcər rayonunun Yellidcə qəsəbəsi istiqamətində Azərbaycan Ordusunun mövqelərini iriçaplı pulemyotlardan atəşə tutub. Həmin gün saat 21:40-da Ermənistan silahlı qüvvələrinin bölmələri Azərbaycan Ordusunun Naxçıvan Muxtar Respublikasının Sədərək rayonunun Heydərabad yaşayış məntəqəsi istiqamətindəki mövqelərini atıcı silahlardan atəşə tutub.
Fevralın 24-də Azərbaycan Müdafiə Nazirliyində nazir Zakir Həsənovun rəhbərliyi ilə nazir müavinləri, qoşun növləri komandanları, nazirliyin baş idarə, idarə və xidmət rəisləri, eləcə də videobağlantı vasitəsilə azad edilmiş ərazilərdə dislokasiya olunan hərbi birlik və birləşmə komandirlərinin iştirakı ilə növbəti xidməti müşavirə keçirilib. Müşavirədə Azərbaycan-Ermənistan şərti sərhədində mövcud əməliyyat şəraiti, qoşun xidmətinin təşkili və aparılması geniş təhlil edilib.
Bu arada yaxın günlərdə Azərbaycan və Ermənistan nümayəndə heyətləri arasında görüş olacağı gözlənilir.
Nə baş verir? Görüş öncəsi sərhəddə təxribatları kim törədir?
Xəzər Hərbi Tədqiqatlar İnstitutunun rəhbəri Cəsur Məmmədov Kamran Mahmudovun təqdimatında yayımlanan “Çətin sual” verilişində bu barədə danışır.
Çətin sual
-
Azərbaycan bu xarici siyasətlə hara gedir?
-
İyunun 21-22 və 24-də Azərbaycanda növbəti dəfə müəllimlərin sertifikatlaşdırılması imtahanı keçirilib. Bu il ilk dəfə prosesə riyaziyyat və xarici dil (ingilis dili, rus dili, Azərbaycan dili (rus bölməsi), alman dili, fransız dili və s.) fənlərini tədris edən təhsilverənlər cəlb ediliblər. Eyni zamanda, ibtidai sinif, Azərbaycan dili və ədəbiyyat müəllimləri də imtahan veriblər. Sertifikatlaşdırma prosesinin test imtahanı mərhələsi ölkənin 18 müxtəlif şəhər və rayonu üzrə ümumilikdə 27 imtahan mərkəzini əhatə edib. Test imtahanlarında 23 448 müəllim iştirak edib.
-
İyunun 30-da Azərbaycan bir sıra sahələrdə qiymət artımı baş verdi. Ölkədəki qiymət artımı sosial mediada və ictimaiyyətdə narazılıqla qarşılanıb.Bir çoxları hesab edir ki, parlament seçkiləri ərəfəsində belə bir qərarın qəbul edilməsi yanlışdır. Adətən, hökumət seçkiöncəsi belə qərarlar vermir, əhalinin qiymət artımına həssaslığını nəzərə alır. Ona görə də seçkiöncəsi qiymət artımı ilə bağlı qərarın hansı zərurətdən verildiyi müəyyən suallar doğurub
-
İyunun 30-da Tarif Şurası ölkədə bir sıra xidmətlərin və məhsulların qiymətinin artırılmasına qərar verib. Aİ-92 benzini, dizel yanacağı, metro və avtobusda gediş haqqı artırılıb, məişət tullantılarının daşınması tarifi əvvəlki qiymətinə baxanda 2-3 dəfə qalxıb.
Rəy yaz