Ukraynanın Buça şəhərində baş verən faciəyə beynəlxalq hüquqi qiymət veriləcəkmi? – Elman Fəttah “Çətin sual" qarşısında
Bakı/05.04.22/Turan: Ukraynanın yüzlərlə dinc sakininin qətlə yetirildiyi Buça şəhəri bir neçə gündür müzakirə mövzusudur. Müharibə zamanı Rusiya hərbi qüvvələrinin Belarusdan Kiyevə qədər irəliləməsinə mane olan Buça şəhəri kütləvi atəşə və yerli əhaliyə qarşı qəddar rəftara məruz qalıb. Şəhərdə silahlı toqquşmalar bir aydan çox davam edib. Şəhər bir neçə gündür Ukrayna Silahlı Qüvvələrinin nəzarəti altındadır.
Şəhərin küçələri yanmış avtomobillərlə yanaşı, insan meyitləri ilə doludur. Buça şəhərinin meri Anatoli Fedorukun sözlərinə görə, şəhərdəki kütləvi məzarlıqda 280 nəfər dəfn edilib. Ölənlərin çoxunun qollarında ağ sarğı olub, bu da ölənlərin əlləri bağlı şəkildə qətlə yetirildiyini göstərir.
BMT baş katibi, ABŞ, Avropa ölkələri Buçada törədilən kütləvi qətliamı kəskin pisləyiblər və Rusiyaya qarşı sanksiyaları daha da sərtləşdirməyi tələb ediblər.
Buça şəhərində baş verən insanlıq dramına beynəlxalq hüquq necə qiymət verməlidir?
Beynəlxalq Məsələlər üzrə ekspert Elman Fəttah Kamran Mahmudovun təqdimatında yayımlanan “Çətin sual” verilişində bu barədə danışır.
Çətin sual
-
7 yanvar tarixində yayımlanan müsahibəsində Azərbaycan Prezidenti İlham Əliyev Qərbi, xüsusilə ABŞ, Fransa və Avropa İttifaqını kəskin tənqid edib. Bu tənqidlərin konkret kimlərə ünvanlandığı və geniş mənası haqqında siyasi analitik və Mərkəzi Asiya üzrə ekspert Arkadi Dubnov “Çətin sual” proqramında danışıb.
-
Azərbaycan qış mövsümünə qədəm qoyarkən, tənəffüs yolları xəstəliklərinin yayılması ilə bağlı narahatlıqlar artır. Xüsusilə insan metapnevmovirusu (HMPV) bu spekulyasiyaların mərkəzindədir. İlk dəfə Çində aşkarlanan və 2024-cü ilin sonlarında Qazaxıstan və Rusiyada qeydə alınan HMPV hazırda Azərbaycanda diqqət mərkəzindədir. Səhiyyə Nazirliyi virusla bağlı məlumatlandırma kampaniyalarını təsdiqləsə də, onun ölkədə yayılma dərəcəsi və şiddəti barədə suallar qalmaqdadır.
-
Yanvarın 7-də dövlət başçısı İlham Əliyev yerli telekanallara müsahibə verib. Müsahibə zamanı Prezident bir çox məsələlərlə bağlı suallara aydınlıq gətirib.
-
İşıq, qaz, su qiymətlərinin qaldırılmasından sonra sosial mediada bəzi tariflərin artırılacağı barədə söhbətlər gəzir. İqtisadçı, REAL Partiyasının sədri Natiq Cəfərli Kamran Mahmudovun təqdimatında yayımlanan “Çətin sual” verilişində bu və gündəmdə olan digər mövzular barədə danışır.
Rəy yaz