![Vəkil: «Ədalətli məhkəmə araşdırmasının olmaması investisiya mühitini məhv edir»](https://turan.az/resized/750/500/resize/media/2017/main/032700186394.jpg)
Vəkil: «Ədalətli məhkəmə araşdırmasının olmaması investisiya mühitini məhv edir»
Azərbaycanda ədalətli məhkəmə araşdırmasının olmaması investisiya mühitini məhv edir. Bu fikri tanınmış hüquqşünas, "Viza" firmasının rəhbəri Aslan İsmayılov Turan agentliyinin "Çətin sual" proqramına müsahibəsində söyləyib.
A.İsmayılov vəkil kimi, onlarla məhkəmə işində sahibkarların hüquqlarını müdafiə edib. Ancaq qanunvericilik icra olunmadığından bəzi işləri qazanmaq mümkün olmayıb.
Buna misal olaraq o, yeni apardığı Türkiyənin "Emre Piliç" şirkətilə bağlı işi göstərib. Korrupsiyaya Qarşı Mübarizə İdarəsində material toplanıb, cinayət işinin qaldırılması qalıb. Ancaq sonradan iş dayanıb və cinayət işi başlanmayıb.
A.İsmayılovun sözlərinə görə, Azərbaycan sahibkarlığına ilk dəfə hücüm 2005-ci ildə olub və bu, Azərbaycan iqtisadiyyatının durumuna təsir göstərib.
Hökumətin səylərinə baxmayaraq, xarici investorları cəlb etmək mümkün deyil, çünki reyder hücumları, qeyri-sağlam rəqabət, ədalətsiz məhkəmələr mövcuddur. Odur ki, ciddi kapital qoyuluşları gözləməyə dəyməz, A.İsmayılov hesab edir.
Barmek şirkəti və onun rəhbəri Hüseyn Arabulla bağlı hadisə investorlar üçün pis presedent oldu. Bu şirkət ölkədə elektrik enerjisi sahəsində nizam yaratmışdı. Sonda hətta Arabul həbs edildi.
Ədalətli rəqabət olmadığından son dövrlər Azərbaycana gələn adamlar ancaq dələduz və qara yollarla pul qazanmaq istəyənlərdir ki, həmin o pulları burada hakimiyyət nümayəndələri ilə bölüşdürəcəklər.
A.İsmayılov deyib ki, Azərbaycanda ədalətli mühakimə və müstəqil məhkəmə hakimiyyəti yoxdur.
"Sahibkarlaın hüquqlarını müdafiə etdiyim işlərdə hakimlər özləri etiraf ediblər ki, yuxarıların göstərişi ilə ədalətsiz qərarlar qəbul ediblər", - A.İsmayılov bildirib.
Beynəlxalq praktikada belədir ki, investorlar hansısa ölkəyə gedib investisiya yatırmaq üçün birinci növbədə onun məhkəmə sistemini araşdırırlar. Müstəqil ədalətli mühakimə sistemi yoxdursa bu ölkədə ciddi biznes qurulmur, A. İsmayılov qeyd edib. -03D06--
-
- İqtisadiyyat
- 27 Mart 2017 16:09
-
- Siyasət
- 27 Mart 2017 17:10
Çətin sual
-
Sentyabrın 1-nə təyin olunmuş növbədənkənar parlament seçkilərində iştirak etmək üçün imzatoplama kampaniyası hazırda davam edir. Hazırda mindən çox şəxsin namizəd olmaq üçün müraciət etdiyi bildirilir.
-
Son vaxtlar aqressiyanın artmasının səbəbi olaraq şok effekti yaradan kriminal xəbərləri tez-tez eşidirik.
-
İlin sonuna kimi məktəblərdə adambaşına maliyyələşmə sisteminə keçid planlaşdırılır. Elm və təhsil naziri Emin Əmrullayevin sözlərinə görə, bu, bir neçə məktəbdə pilot kimi həyata keçiriləcək: "Sınaq uğurlu olsa, inkişaf üçün cəbhə yaranacaq. Bununla da məktəb muxtariyyəti və müəllimlər tərəfindən idarə olunması üçün yaxşı zəmin yaranacaq".
-
Ermənistanın baş naziri Nikol Paşinyan Böyük Britaniyada Azərbaycan prezidenti İlham Əliyevlə görüşdən imtina edib. Bunu Azərbaycan prezidentinin köməkçisi - Prezident Administrasiyasının xarici siyasət məsələləri şöbəsinin müdiri Hikmət Hacıyev "Report"a bildirib.
Rəy yaz