Xankəndini “aclıqdan”mı xilas etməli, yoxsa separatçılardanmı? – Üzeyir Cəfərov Çətin sualda

Bakı/05.09.23/Turan: Erməni teleqram kanallarının məlumatına görə, bu gündən Xankəndidə çörəyin kuponla satışı həyata keçiriləcək, sentyabrın 4-dən kuponların verilməsi prosesinə başlanıb. Məlumata görə, adambaşına çörəyin yarısı, təxminən 200 qram çörək satılacaq.

Azərbaycan Qızıl Aypara Cəmiyyəti tərəfindən Qarabağda yaşayan ermənilərin ehtiyaclarını qarşılamaq üçün içərisində un olan iki yük maşını (TIR) isə Ağdam-Xankəndi yolunda gözləməkdə davam edir. İçərisində 40 ton un olan TIR-lar avqustun 29-dan etibarən Ağdam-Xankəndi yolunun üzərindəki Rusiya sülhməramlılarının postu qarşısındadır.

Ərazidə olan Azərbaycan Qızıl Aypara Cəmiyyətinin nümayəndələri gətirdikləri yükün keyfiyyət sertifikatını Azərbaycan ərazisində müvəqqəti yerləşdirilən Rusiya sülhməramlılarına təqdim ediblər. Yardımın ermənilərə çatdırılması üçün danışıqlarda isə hələ irəliləyiş yoxdur. Qarabağda qondarma rejimə rəhbərlik edənlər isə bu yardımın çatdırılmasının qarşısını almağa cəhd edirlər. Əsgəranda ermənilər çadır qurub və növbə çəkirlər.

Separatçıları və Qarabağ ermənilərini ram etmək üçün hansı addımlar atılmalıdır?

Hərbi ekspert Üzeyir Cəfərov Kamran Mahmudovun təqdimatında yayımlanan “Çətin sual” verilişində bu barədə danışır.