ABŞ husilərə altıncı dəfə zərbə endirib

THE HILL:  ABŞ cümə günü altıncı dəfə Yəməndə husilərə silsilə zərbələr endirib, bunu ABŞ Müdafiə Nazirliyinin nümayədəsi “The Hill”ə təsdiq edib.

Gəmi əleyhinə raket qurğularından atəş açmağa hazırlaşan husilərə zərbə endirmək üçün F/A-18 qırıcıları “USS Dwight D. Eisenhower” təyyarədaşıyan gəmisindən havaya qalxıb, deyə “Associated Press” xəbər verir.

ABŞ Qırmızı dənizi İranın dəstəklədiyi silahlı qruplaşmadan müdafiə etmək missiyasının bir hissəsi olaraq bu həftə, demək olar, hər gün husilərin komandanlıq və nəzarət imkanlarını hədəfə alaraq zərbələr endirib.

Ötən həftə husilərin hərbi imkanlarını sarsıtmaq məqsədi ilə radar və raket obyektlərinə endirilən bir sıra zərbələrin birinci hissəsindən sonra demək olar hər gün hərbi əməliyyatlar həyata keçirildi.

Husi yaraqlıları isə bombardmana müqavimət göstərir və ABŞ-ın, demək olar ki, hər bir zərbəsinə hücumla cavab verirlər.

Husilərin Qırmızı dənizdə ticarət gəmilərini hədəf alan əməliyyatları qlobal ticarətdə xaosa səbəb olur, çünki silahlı qrup keçən ilin noyabr ayının sonunda hücumlara başladıqdan sonra gəmilərin hərəkətini ciddi şəkildə pozub.

Zərbələrlə yanaşı, ABŞ kommersiya gəmi daşımalarını qorumaq üçün Qırmızı dənizə dəniz operativ birləşməsini göndərib, lakin bəzi böyük gəmiçilik şirkətləri hələ də təhlükəsizlik səbəbi ilə Afrika ətrafında daha uzun marşrutu seçirlər.

Husi yaraqlıları İsrailin Qəzzada Fələstinin HƏMAS qruplaşmasına qarşı müharibənidavam etdirdiyi müddətcə Qırmızı dənizdəki hədəflərə hücumlarını davam etdirəcəklərini bildiriblər.