Avropa Parlamenti bildirib ki, Rusiya Birinci Dünya Müharibəsi zamanı Moskvaya göndərilmiş qızılları Rumıniyaya qaytarmalıdır

AP:  Cümə axşamı Avropa Parlamentində qanunvericilər Rusiyanın Birinci Dünya Müharibəsi zamanı saxlanmaq üçün Moskvaya göndərilmiş qızıl və digər qiymətli irs əşyalarını Rumıniyaya qaytarması barədə məcburi qüvvəsi olmayan qətnamə qəbul ediblər, rumıniyalı deputat bildirib.

Birinci Dünya Müharibəsi illərində Rumıniya Krallığı dəmir yolu ilə Moskvaya 91,5 metrik ton qızıl sikkə və külçələr, o cümlədən zərgərlik və incəsənət əsərləri kimi mədəni sərvətlər göndərib.

Müharibədə Rumıniya Almaniya, Avstriya-Macarıstan və Osmanlı imperiyalarına qarşı Rusiya, Böyük Britaniya və Fransanın yanında yer aldı.

Qızıl 1917-ci ildə bolşeviklər Rusiyada hakimiyyəti ələ keçirdikdən sonra müsadirə edilib. Sonrakı illərdə Rumıniyanın qızılları qaytarmaq cəhdləri boşa çıxıb.

1935 və 1956-cı illərdə sovet hakimiyyəti tərəfindən mədəni sərvətlərin bir hissəsi geri qaytarılıb, qızıl isə yox.

2003-cü ildə Rumıniya və Rusiya ikitərəfli münasibətləri yaxşılaşdırmaq, eləcə də qızıl məsələsi üzərində işləmək üçün birgə komissiya yaratdılar.

Cümə axşamı Avropa Parlamenti Rumıniya Milli Bankının dəstəyi ilə rumıniyalı deputat Eucen Tomac tərəfindən təklif olunan qətnaməni qəbul edib, bu qətnamədə Moskvanın qızılları geri qaytarmasını nəzərdə tutur.

Tomac Feysbuk səhifəsində bunu “tarixi səsvermə” və “milli ləyaqət məsələsi” kimi qiymətləndirib.

“Rumıniya 91,5 ton qızılın və bütün mədəni sərvətlərin qaytarılmasından başqa heç nə ilə razılaşa bilməz və etməməlidir”, - o deyib.

Qızılın Rumıniyaya qayıtma ehtimalı az olsa da, Tomac "təslim olmamağın vacib" olduğunu dedi.

Moskvadan dərhal şərh verilməyib.