Bu ilin martından 18 min nəfər Krım tatarı bölgəni tərk edib

Rusiya Krımı işğal etdikdən bu yana 18 min nəfərdən çox Krım tatarı bölgəni tərk erməyə məcbur olub. Bu haqda  Krım Tatar Milli Məclisinin sədri Rafet Çubarov Türkiyə saytlarına açıqlama verib.

O, Krım tatar türklərinin bölgəni tərk etmələrilə bağlı bir neçə səbəb göstərib. Rusiya Krımı işğal etdikdən sonra buradakı müsəlman xanımların başörtüyü problemi yaşanıb. Qızların məktəblərə başörtüyü ilə gedə bilməyiblər.

Digər tərəfdən Krımın işğalından sonra bu bölgədə qeyri-müəyyənlik yaşanırdı, insanlar nələrin baş verə biləcəyini təxmin belə edə bilmiridlər. Krım türkləri rus əsgərlərinin Krıma girməsini ailələri, uşaqları, özləri üçün potensial təhlükə olaraq görüblər. Krımın işğalı ilə buradakı tatarların bir an içində iş yerlərindən, ticarət və gəlir mənbələrindən məhrum olublar, ailələrin özəl planları alt-üst olub. Rusların işğalı ilə Krım tatarlarının özlərini inkişaf etdirmək, övladlarını oxutmaq kimi xəyalları dağılıb və buna görə Krımdan getməyə məcbur olublar. Bunlarla birgə siyasi əqidələrilə bağlı Krım tatarlarının doğma vətənlərində ögey duruma düşüblər.

R.Çubarov bu işğaldan həm də bəzi nəticələr də çıxardıqlarını  bildirib. Belə ki, bu işğalla öz vətənində olan insanları təminatlı şəkildə qoruya bilmək üçün beynəlxalq mexanizmlərin olmaması aşkara çıxıb.

Ukrayna xalqının 2013-cü ilin sonlarından başlayaraq apardığı mübarizə nəticəsində Yanukoviç rejimini devirməsi və qərbyönlü siyasi kurs götürməsi Rusiyanın xoşuna gəlməyib. Buna cavab olaraq 2014-cü ilin martında Rusiya Krımı işğal edib. Bu məsələdə Rusiyanı dəstəkləmədiklərinə görə Krım tatarları Rusiyanın xüsusi qəzəbinə düçar olub. Rusiyanın işğalına ən ciddi etiraz edən Krım tatarlarının lideri Mustafa Cəmil Krımoğluna vətəni Krıma daxil olmaq yasaq edilib.-05D-