Bakı/29.03.20/Turan: Çin tibb laboratoriyasının tədqiqatçıları yeni koronavirus pnevmoniyasının (COVID-19) müalicəsində ənənəvi Çin təbabəti (ƏÇT) preparatlarının effektini qiymətləndirmək üçün siçan modeli yaradıblar.
Çinin mərkəzi Uhan şəhərində COVID-19 epidemiyasının baş verməsi zamanı hava şəraitinə əsaslanaraq Çin Ənənəvi Təbabət Akademiyası nəzdində ÇƏT İnstitutundakı ABSL-2 laboratoriyası soyuq və rütubətin səviyyəsinə uyğun siçan modeli yaradıblar.
Tədqiqatçılar laboratoriya siçanlarını HCoV-229E insan koronavirusu ilə yoluxmağa məcbur ediblər və COVID-19 ilə oxşar patoloji dəyişikliklərə malik heyvan modeli yaradıblar, “Ketszi jibao” /Science and Technology Daily/ qəzeti bildirib.
Onlar bir sıra virus göstəricilərinin, heyvanların mədə-bağırsaq funksiyalarının, immunitet və iltihab amillərinin monitorinqi vasitəsilə ÇƏT-in koronavirus infeksiyasına qarşı təsirini qiymətləndiriblər.
Tədqiqatın nəticələri göstərib ki, seçilmiş dərman vasitələri siçanların ağciyərlərində iltihabı və bu heyvanların ağciyər toxumasında virusun yükünü əhəmiyyətli dərəcədə azalda bilir, həmçinin siçanların periferik qanında immun hüceyrələrin payını artıra bilir.
ÇƏT xəstəlikləri bəzən müxtəlif baxımdan aşkar edir, diaqnoz qoyur və qarşısını alır. ÇƏT vasitəsilə xəstəliklərin müalicəsi yalnız virusun səbəb olduğu simptomlara yönəldilib, virusun öz tipinə yox”, - laboratoriyanın direktoru Tsuy Syaolan deyib.
Modelin məlumatlarına əsaslanaraq COVID-19-un müalicəsində 16 növ ÇƏT preparatı seçilib.
Klinik müşahidələr göstərir ki, Çinin kontinental hissəsində COVID-19-a yoluxmuş xəstələrin 90 faizdən çoxunun müalicəsində ƏÇT effektiv olduğunu sübut edib. Bunu ÇXR ənənəvi Çin təbabəti işləri və əczaçılıq üzrə Dövlət İdarəsinin partiya komitəsinin katibi Yuy Yanhun bildirib.
Çin Mühəndislik Akademiyasının akademiki Çjan Boli bildirib ki, Qərb təbabəti nəfəs və qan dövranının dəstəklənməsi kimi zəruri tədbirləri təklif edir, ƏÇT isə əsas diqqəti pasiyentlərin fiziki fəaliyyətinin və immun funksiyasının yaxşılaşmasına yönəldir.--0--
Dünyada
-
Yüksək maliyyə və innovasiya dünyası üçün əlamətdar bir an olaraq, Tesla şirkətinin CEO-su Elon Mask tarixdə ən varlı insan statusunu qazanıb. Bloomberg Milyarderlər İndeksinə əsasən, Maskın sərvəti hazırda heyrətamiz 348 milyard dollar dəyərində qiymətləndirilir və o, 2021-ci ildəki öz rekordunu qıraraq qlobal zənginlik zirvəsinə yüksəlib.
-
Qərb rəsmiləri bildiriblər ki, yüksək rütbəli bir general Rusiya tərəfində Ukraynaya qarşı döyüşərkən yaralanan ilk yüksək rütbəli Şimali Koreya hərbi zabiti olub.
-
Rusiya Birləşmiş Millətlər Təşkilatına istixana qazları emissiyaları ilə bağlı son hesabatına Ukraynanın işğal etdiyi bir hissəsini daxil edib və bu COP29 iqlim sammitində Ukrayna rəsmiləri və fəallarının etirazlarına səbəb olub.
-
Associated Press-in məlumatına görə, NATO və Ukrayna, Rusiyanın eksperimental hiper-səs ballistik raketi ilə Ukraynanın mərkəzi şəhəri Dniproyu vurmasından sonra, noyabrın 26-da təcili danışıqlar keçirəcək. Bu hadisə, təxminən 33 aylıq müharibənin eskalasiyasını daha da artırıb.
Rəy yaz