Türkiyə və Rusiya prezidentləri sentyabrın 4-5-də Çində olacaq "iyirmilik" (G20) liderlərinin sammitində ikitərəfli görüş keçirəcəklər, Anadolu agentliyi bildirib.
Türkiyə rəsmilərinin məlumatına görə, iki ölkə lideri arasında bugünkü telefon danışığı zamanı qeyd olunub ki, indiki vəziyyət iki ölkənin maraqlarına cavab vermir və yüksək səviyyədə görüşü bərpa etmək lazımdır.
Rusiya prezidenti Vladimir Putin Türkiyə dövlətinin başçısı Rəcəb Tayyib Ərdoğan ilə telefon söhbətindən sonra RF hökumətinə Türkiyə ilə münasibətlərin normallaşması istiqamətində addımların atılmasını tapşırıb.
Kremlin mətbuat xidmətinin məlumatına görə, Rusiya prezidenti İstanbul hava limanında baş vermiş terror aktı nəticəsində həlak olanların ailələrinə dərin hüznlə başsağlığı verib, yaralıların tezliklə sağalmasını arzulayıb. Hər iki tərəf terrora qarşı mübarizədə beynəlxalq əməkdaşlığın vacibliyini vurğulayıb.
Putin qeyd edib ki, Türkiyə prezidentindən alınan mesaj ikitərəfli münasibətlərdəki böhranı aradan qaldırmağa, beynəlxalq və regional məsələlər üzrə birgə işi bərpa etməyə, ümumilikdə, Rusiya-Türkiyə münasibətlərinin inkişafına zəmin yaradır.
O ümidvar olduğunu bildirib ki, rusiyalı pilotun ölümündə günahkar olan Türkiyə vətəndaşına qarşı başlanan cinayət işi obyektiv aparılacaq.
Rusiya lideri deyib ki, ticarət-iqtisadi və digər sahələrdə qarşılıqlı faydalı əməkdaşlığın bərpası üçün Türkiyənin müvafiq qurumları ilə danışıqların aparılmasını RF hökumətinə tapşıracaq. Həmçinin qeyd olunub ki, rusiyalı turistlərin Türkiyəyə səfər etməsinə qoyulan məhdudiyyətlərin aradan qaldırılması nəzərdə tutulur. Yaxşı olardı ki, Türkiyə hökuməti də ölkə ərazisində rusiyalı vətəndaşların təhlükəsizliyinin təminatına yönələn addımlar atsın.
Bu il iyulun 1-də Soçidə Qara dəniz İqtisadi Əməkdaşlıq Təşkilatı XİNŞ iclasında iki ölkə xarici işlər nazirlərinin görüşü barədə razılıq əldə olunub.
Ümumilikdə, söhbət işgüzar, konstruktiv xarakter daşıyıb və ənənəsi dostluq, ikitərəfli çoxplanlı əməkdaşlığın bərpasına yönəlib. –0--
Dünyada
-
Yeni Gallup sorğusu göstərir ki, iki ildən çox davam edən Rusiya-Ukrayna müharibəsinin tezliklə həllini istəyən amerikalıların sayı artmaqdadır. Respondentlərin yarısı münaqişənin tez bir zamanda bitməsini dəstəklədiyini bildirib, hətta bu, Ukraynanın bütün itirilmiş ərazilərini geri qaytarmayacağı anlamına gəlsə belə. Bu rəqəm 2024-cü ilin martı ilə müqayisədə 7 faiz artım deməkdir. Oktyabr 2023-dən bəri tez həllə dəstək 43 faiz səviyyəsində sabit qalmışdı.
-
ABŞ-ın yüksək rütbəli diplomatları cümə günü Dəməşqdə Suriyanın yeni faktiki lideri Əhməd əl-Şaraa ilə görüş keçirdi. Görüş ölkənin siyasi keçidi müzakirə etmək məqsədilə təşkil olunmuş və "yaxşı" və "çox məhsuldar" kimi qiymətləndirilmişdir. ABŞ nümayəndə heyəti, həmçinin, əl-Şaraa-nın başına qoyulmuş 10 milyon dollarlıq mükafatın ləğv edildiyini elan edib.
-
İran qadınlar üçün daha sərt hicab tələbləri ilə bağlı mübahisəli yeni qanunun tətbiqini dayandırıb. Bir çox müşahidəçilərin fikrincə, bu qanun Mahsa Əmininin 2022-ci ildə ölümündən sonra baş verən kütləvi etirazlara bənzər hadisələri təkrarlaya bilərdi, yüksək rütbəli rəsmi bildirib.
-
İsrail hava zərbələri, Husilərin idarə etdiyi Sanaa və Hudeydə daxil olmaqla, Yəmənin bəzi ərazilərini hədəf alıb və Mərkəzi İsraili nişan alan Husi raketi zərərsizləşdirildikdən sonra ən azı doqquz nəfərin ölümünə səbəb olub. Enerji və liman infrastrukturunu hədəfləyən bu zərbələr, regional gərginliyin ciddi şəkildə artmasına işarə edir.
Rəy yaz