FTB-nin iddiasına görə, Tramp Floridadakı qolf klubunda ehtimal olunan sui-qəsd cəhdinin hədəfi olub

AP: VAŞINQTON (AP) — FTB, Donald Trampın bazar günü Florida ştatının Vest Palm Biç şəhərindəki qolf klubunda “ehtimal olunan sui-qəsd cəhdinin” hədəfi olduğunu bildirib, bu, Respublikaçı prezidentliyə namizəd həyatına bir sui-qəsd cəhdi yaşayandan cəmi doqquz həftə sonra baş verib. Keçmiş prezident qaydasında olduğunu bildirib.

Palm Biç dairəsinin şerifi Rik Bredşou bildirib ki, ABŞ Məxfi Xidmətinin agentləri Tramp məşq edərkən onu AK tipli tüfənqlə hədəfə alan şəxsə atəş açıblar.

Bredşou deyib ki, atəş açan şəxsin hasardan asılmış iki kürək çantası və GoPro kamerası da olub və o, keçmiş prezident yaxınlıqdakı çuxurda qolf oynayarkən Trampdan təxminən 400-500 metr aralıda olub və kolların arasında gizlənib.

Həmin şəxs silahını yerə ataraq avtomobillə qaçıb, daha sonra qonşu dairədə nəzarətə götürülüb.

Bu insident görünməmiş təlatümlərlə yadda qalan seçki ilində son xoşagəlməz hadisə idi.

Bu, Trampın Pensilvaniyada mitinqdə sui-qəsd cəhdinə məruz qalmasından və güllə onun qulağına dəydikdən təxminən iki ay sonra baş verir.

Cəmi bir həftə sonra prezident Co Bayden yarışdan geri çəkildi.

Tramp tərəfdarlarına göndərdiyi məktubda bunları yazıb: “Yaxınlığımda atəş səsləri eşidildi, lakin şayiələr nəzərətdən çıxamamışdan əvvəl bunu eşitməyinizi istədim: Mənə təhlükə yoxdu və hər şey yaxşıdır!”

“Məni heç nə dayandıra bilməz. Heç vaxt təslim olmayacam”, - deyə keçmiş prezident bıyan edib.

Bredşou deyib ki, Tramp oynadığı zaman qolf sahəsi qismən bağlanmışdı və agentlər odlu silahı olan bir adamı görəndə ondan bir qədər aralıda idilər. Ərazinin perimetri üzrə qolf oynayanların hasar xəttindən göründüyü bir neçə zona var. Məxfi Xidmətin agentləri və zabitləri Tramp qolf oynayan zaman mütəmadi olaraq onun qarşısında və arxasında ərazini mühafizə edir.

Tramp bu həftə sonu Las-Veqasda cümə mitinqi və Yuta ştatında pul yığımı daxil olmaqla Qərb sahilinə səfərindən sonra Floridaya qayıdıb.

Onun seçki qərargahı Trampın bazar günü üçün planlarını açıqlamayıb.

O, tez-tez səhəri qolf oynayaraq keçirir, sonra isə ştatda sahib olduğu üç klubdan birində nahar edir.

İyul sui-qəsd cəhdindən sonra onunla bağlı təhlükəsizlik tədbirləri gücləndirilib.

O, Nyu-Yorkdakı “Trump Tower”də olarkən binanın qarşısında sıra ilə yük maşınları dayanmışdı. Açıq havada keçirilən mitinqlərdə isə o, indi gülləkeçirməz şüşənin arxasından danışır.

Məsələ ilə tanış olan bir şəxsin sözlərinə görə, Tramp bazar günü yaşadığı Palm Biç yaxınlığında Mar-a-Laqodakı şəxsi klubuna qayıdıb.

Ağ Ev bildirib ki, prezident Co Bayden və Demokratlar Partiyasından prezidentliyə namizəd olan vitse-prezident Kamala Harrisə hadisə barədə məlumat verilib və onlar istintaqla bağlı məlumatlı olacaqlar.

Ağ Ev əlavə edib ki, onlar Trampın təhlükəsiz şəraitdə olduğunu öyrənməkdən sonra “rahatlaşıblar”.

Harris verdiyi açıqlamada Trampa təhlükənin olmadığından “şad” olduğunu və “Amerikada zorakılığa yer olmadığını” əlavə edib.

Trampın Konqresdəki əsas müttəfiqlərindən biri olan senator Lindsi Qrem X-də yazdığı paylaşımda hadisədən sonra Trampla danışdığını və Trampın əhval-ruhiyyəsinin yaxşı olduğunu, onun indiyə qədər tanıdığı “ən güclü insanlardan biri” olduğunu bildirib.

Martin dairəsinin şerifi Uilyam D.Snayder bildirib ki, FTB, Məxfi Xidmət və Palm Biç dairəsinin Şerif Ofisi çox təcili axtarışa başladıqdan bir neçə dəqiqə sonra şübhəli tutulub.

Snayder WPTV-yə deyib ki, şübhəli maşından çıxarılarkən silahsız olub.

Ədliyyə Nazirliyinin mətbuat katibi bildirib ki, Baş prokuror Merrik Qarland vəziyyətlə bağlı məlumatlandırılıb və müntəzəm olaraq yeniliklər alır.

Martin dairəsinin şerif ofisinin məlumatında deyilir ki, şübhəli Florida ştatında, Palm Siti yaxınlığında, Trampın qolf meydançasından təxminən 45 mil şimalda həbs edilib.

Şerif ofisi bildirib ki, şimal istiqamətində I-95 gediş zolaqları bağlanıb.

Ohayo ştatından olan senator, Trampın vitse-prezidentliyə namizədi olan C.D. Vensin təhlükəsizliyi və harada olduğu barədə məlumat almaq üçün seçki kampaniyası rəsmilərinə göndərilən sorğu hələ cavablandırılmayıb.  

Palm Biçdən olan Maks Equskiza Vest Palm Biçdə Trampın qolf meydançasında baş verənləri təsvir edib.

“Gördüklərimə əsasən, boz “mersedes” qolf meydançası qarşısında nömrəsiz 5 qara yolsuzluq avtomobilinin qarşısını kəsmişdi. Təxminən 20 və daha çox polis maşını yaxınlıqdakı küçələrdən sürətlə əraziyə gəldi”, - deyib.

Trampın oğullarının kriptoplatforma işə salması münasibətilə bazar ertəsi axşam X sosial şəbəkə hesabında kriptovalyuta haqqında canlı çıxış edəcəyi gözlənilir.

Onun bunu Floridadakı Mar-a-Laqo kurortundan edəcəyi gözlənilir.

Keçmiş prezidentin çərşənbə axşamı seçki kampaniyasına qayıtması, keçmiş mətbuat katibi, Arkanzas qubernatoru Sara Hakabi Sanderslə birlikdə Miçiqan ştatının Flint şəhərindəki bələdiyyə binasına getməsi  və çərşənbə günü Nyu-Yorkda Lonq Aylenddə seçki kampaniyası mitinqi keçirməsi planlaşdırılır.

O, bu həftənin sonunda Vaşinqtonda keçiriləcək İsrail-Amerika Şurasının Milli Sammitində iştirak edib çıxış edəcək və şənbə günü Şimali Karolina ştatının Vilmington şəhərində mitinq keçirəcək.