Gənc Avropa Səfirləri" Şərq Tərəfdaşlığının 10 illiyinə həsr olunan bayram tədbirlərinə qatılıb
Bakı/14.02.19/Turan: Avropa İttifaqı və onun altı Şərqi tərəfdaş ölkəsini (Ermənistan, Azərbaycan, Belarus, Gürcüstan, Moldova və Ukrayna) təmsil edən 100 "Gənc Avropa Səfiri" son on ildə Şərq Tərəfdaşlığı (ŞT) təşəbbüsünün nailiyyətlərini qeyd etmək üçün bu həftə Brüsselə toplaşıb.
"Tərəfdaşlarımız ilə əməkdaşlığımızın ana xəttini gənclər təşkil edir. "Gənc Avropa Səfirləri" regionda gənclərin həyatına birbaşa təsir göstərən ideyaları dinləmək və müzakirə etmək üçün bir platforma rolunu oynayan əvəzolunmaz təşəbbüsdür", - deyə Avropa Komissiyasının Şərq Qonşuluğunun Direktoru Laurens Meredit bildirib.
10 yaşını qeyd edən Şərq Tərəfdaşlığı təşəbbüsü nəticəsində 30 mindən artıq gənc Erasmus+ könüllülük proqramlarında, mübadilə və gənclərin yerdəyişməsi üzrə layihələrdə iştirak edib və 2018-ci ildən etibarən 6 mindən çox gənc EU4Youth tərəfindən təmin edilən imkanlardan faydalanıb. ŞT regionundan olan parlaq zəkaya malik gənclər Aİ-nin sərhədlərindən kənarda fəaliyyət göstərən ilk Avropa Məktəbində təhsil almaq imkanı qazanıblar. Şərq Tərəfdaşlığı Avropa Məktəbi 2018-ci ilin sentyabr ayı Tiflisdə rəsmi olaraq fəaliyyətə başlayıb.
Tərəfdaşlığın nailiyyətləri və onun gələcək məqsədlərini müzakirə etmək üçün altı ölkədə sosial mediada nüfuz qazanmış çoxlu sayda şəxslər və bir qrup "Gənc Avropa Səfirinin" Aİ-nin rəsmi şəxsləri ilə görüşü gözlənilir. Onlar həmçinin fevralın 14-də Aİ-nin Brüsseldə yerləşən baş qərargahında milli rəqsləri və geyimləri təqdim edən fləşmobda iştirak edəcəklər.
Gürcüstanı təmsil edən "Gənc Avropa Səfiri" Geno Kutaşvili deyir: "Mən əminliklə deyə bilərəm ki, Şərq Tərəfdaşlığı mənim həyatımı kökündən dəyişib (nəinki mənim, hətta hər bir Gürcüstanlının həyatını). Bu birgə təşəbbüs indiyə qədər həyata keçirilən ən yaxşı layihədir. Çünki o mənim ölkəmə çoxlu sayda imkanlar qazandırıb. İndi mənim həyatım 10 il bundan əvvəlkindən daha yaxşıdır. Biz birlikdə güclüyük!"
Hazırda Aİ və onun şərqi qonşuluq ölkələrindən təxminən beş yüz gənc "Gənc Avropa Səfiri" (GAS-lar) kimi fəaliyyət göstərir. Bu səfirlər tez-tez öz ölkələrinin yerli icmalarında tədbirlər təşkil edir və təşəbbüs haqqında məlumat vermək üçün beynəlxalq forumlara qatılırlar.
Adı çəkilən tədbir Aİ təşkilatları ilə əməkdaşlıq çərçivəsində Aİ-nin Şərq Qonşuları layihəsi tərəfindən təşkil edilir. Şərq Tərəfdaşlığının onilliyini qeyd etmək üçün il ərzində bir sıra başqa tədbirlərin keçirilməsi planlaşdırılır. Daha ətraflı məlumatı təşəbbüsün onilliyinə həsr olunan internet səhifəsində tapa bilərsiniz: www.eap10.eu.
2009-cu ildə birgə siyasi təşəbbüs kimi icra olunmağa başlayan Şərq Tərəfdaşlığı, Avropa İttifaqı, ona üzv ölkələr və altı şərq qonşusu (Ermənistan, Azərbaycan, Belarus, Gürcüstan, Moldova Respublikası və Ukrayna) arasında əlaqələri dərinləşdirmək və gücləndirməyə yönəlmiş birgə siyasi təşəbbüsdür. Son on ildə birgə səylər nəticəsində ticarət, yerdəyişmə, iqtisadi inkişafın gücləndirilməsi və həyat keyfiyyətinin yaxşılaşdırılması daxil olmaqla, vətəndaşların həyatına əhəmiyyətli dərəcədə fayda bəxş etmək mümkün olub.-0-
Dünyada
-
PARİS, 26 iyul (Reuters) – Fransanın prezidenti Emmanuel Makron cümə günü idmançıların Sen boyunca alqışlandığı, rəqqasların Parisin damlarına çıxdığı və Ledi Qaqanın Fransız kabare mahnısını oxuduğu yağışlı mərasimdən sonra Olimpiya Oyunlarını açıq elan etdi.
-
Olimpiadanın açılışına bir neçə saat qalmış Fransanın dəmir yolu şəbəkəsində diversiya olub. Böyük miqyaslı fasilələr 800 min sərnişinə təsir edir, Londondan Parisə Eurostar qatarlarında səyahət vaxtı artacaq.
-
Trampın Ukraynaya Amerika silahlarını almaq üçün lazım olan qədər pul vermək və onların istifadəsinə qoyulan bütün məhdudiyyətləri aradan qaldırmaq imkanı olacaq, Pompeo xəbərdarlıq edib. Moskva Qərbin bu cür hərəkətlərinə cavab vəd edib.
-
Cümə axşamı Filippin sahillərində sənaye yanacağı daşıyan dəniz tankeri batması bir ekipaj üzvünün ölməsinə və neftin dağılmasına səbəb olub, neft paytaxt Manila yaxınlarında sulara yayıla bilər, bu barədə rəsmi şəxslər məlumat verib.
Rəy yaz