İstanbuldakı partlayışda 6 nəfər ölüb. Ərdoğan: 'Terror iyi gəlir'

Reuters:  Bazar günü İstanbulun mərkəzində piyadaların sıx olduğu küçədə baş verən partlayışda 6 nəfər ölüb, 53 nəfər yaralanıb, prezident Tayyib Ərdoğan partlayışın “terror iyi verdiyini” bildirib.

“Reuters”: Bazar günü İstanbulun mərkəzində piyadaların sıx olduğu küçədə baş verən və prezident Tayyib Ərdoğanın “terror iyi verən” adlandırdığı partlayışda 6 nəfər ölüb, 53 nəfər yaralanıb, İzdihamlı İstiqlal prospekti ilə hadisə yerinə təcili tibbi yardım maşınları gəlib və polis ərazini tezliklə mühasirəyə alıb. Türkiyənin ən böyük şəhərinin Bəyoğlu rayonundakı ərazi həftəsonu həmişəki kimi alıcılar, turistlər və ailələrlə dolu olub.

“Reuters”in əldə etdiyi videoda prospektin mərkəzində baş verən partlayış anı göstərilir. Partlayış nəticəsində havaya parçalar qalxıb və bir neçə nəfər yerdə qalıb.

“Terrorla Türkiyəyə və türk xalqına qalib gəlmək cəhdləri dünən olduğu kimi, bu gün də, sabah da uğursuz olacaq”, - Ərdoğan mətbuat konfransında deyib.

"Xalqımız arxayın ola bilər ki, hücuma görə məsuliyyət daşıyanlar öz əməllərinə uyğun cəzalandırılacaqlar" deyə o bildirib və əlavə edib ki, ilkin məlumatlar "bir qadının bunda rol oynadığını" deməyə əsas verir.

“Bunun şübhəsiz ki, terror hücumu olduğunu söyləmək düzgün olmazdı, lakin ilkin hadisələr və validən gələn ilk məlumatlar bundan terror iyinin gəldiyini deməyə əsas verir”, - deyə Ərdoğan bildirib.

 "İNSANLAR DONDULAR"

Partlayışa görə məsuliyyəti heç kim üzərinə götürməyib, lakin İstanbul və Türkiyənin digər şəhərləri keçmişdə kürd separatçıları, islamçı yaraqlılar və digər qruplar tərəfindən hücuma məruz qalıb.

“Partlayış səsini eşidəndə yerimdə qurudum, insanlar donub bir-birlərinə baxdılar. Sonra insanlar qaçmağa başladılar. Başqa nə edə bilərsən”, – deyə İstiqlalda restoran işçisi olan 45 yaşlı Mehmet Akuş deyir.

“Qohumlarım mənə zəng etdilər, bilirlər ki, “İstiqlal”da işləyirəm. Mən onları sakitləşdirdim”, deyə o, “Reuters” agentliyinə bildirib.

Partlayış baş verən ərazinin üzərindən vertolyot uçub, bir neçə təcili yardım maşını isə qonşu Taksim meydanında dayanıb.

Qasımpaşa polis bölməsi bütün qrupların hadisə yerinə gəldiyini bildirsə də, hər hansı təfərrüat verməyib.

Yerli KİV İstanbul Baş Prokurorluğunun partlayışla bağlı təhqiqata başladığını bildirib.

Türk Qırmızı Ayparası yaxınlıqdakı xəstəxanalara qan çatdırıldığını bildirib.

Deyilənlər təsdiqlənərsə, bu, son bir neçə ildə İstanbulda baş verən ilk güclü partlayış olacaq.

2016-cı ilin dekabrında İstanbulda futbol stadionu yaxınlığında törədilən iki terror aktı nəticəsində 38 nəfər ölüb, 155 nəfər yaralanmış, terror aktını Kürdüstan Fəhlə Partiyasının (PKK) bir qolu üzərinə götürmüşdü.